10 Qazan, 22:00 309 0 Zań Anar LEPESOVA

Sýhanberdıeva men qurbysy oqýshylardy jertólede oqýǵa májbúrlegen

Sybaılas jemqorlyqqa qarsy qyzmet burynǵy bilim jáne ǵylym vıe-mınıstri Elmıra Sýhanberdıevanyń men onyń qurbysy, №3 mekteptiń dırektory Elena Shevernıaevanyń qylmystyq shemasy týraly aıtty. 

Agenttiktiń asa mańyzdy isteri boıynsha tergeýshisi Rınat Aımuqanovtyń aıtýynsha, Nur-Sultan qalasynyń №3 gımnazııasynda uzaq ýaqyttan beri jeke mektep jumys istep kelgen.

«Bul mektep is júzinde E. Shevernıaevaǵa tıesili bolǵan. Isti kedergisiz júrgizý úshin E. Shevernıaeva óziniń qurbysy vıe-mınıstr Sýhanberdıevamen birlesip jumys istegen. Olar ózderiniń qyzmettik ókilettigin paıdalanyp, mektepke «qamqorlyq» jasap kelgen. 2016 jyly bilim basqarmasy óz oqýshylaryna oryn jetpeı jatqan memlekettik mektepte jeke mekteptiń jumys istep turǵanyn synǵa alyp, dırektor E. Shevernıaevaǵa shara qoldanýdy tapsyrǵan. Dırektor qurbysy E. Sýhanberdıevaǵa júginip, bilim basqarmasyna yqpalyn tıgizgen», - dedi Rınat Aımuqanov elordada agenttik pen qalalyq bilim basqarmasynyń birlesken jınalysynda.

Sybaılas jemqorlyqqa qarsy qyzmettiń tekserýi barysynda synyp jetpegen oqýshylardyń jertólede oqyǵany anyqtalǵan. «Sanıtarlyq-epıdemııalyq baqylaý men órt qaýipsizdigi qyzmeti mektepten birqatar zańbuzýshylyqtar tapty.

Anyqtalǵandaı, gımnazııanyń 48 oqý kabıneti jeke mektepke jalǵa berilgen, 10 kabınet pen taǵy bes kabınet biriktirilgen. Bul jalpy synyptar sanynyń 20% quraıdy. Bul mektepte oqýshylardyń kóptigi buryn da baıqalǵan. Al E. Shevernıaeva memlekettik organdarǵa mekteptiń óz synyptaryn jalǵa bere alatyny týraly derek ótkizgen. Memlekettik mektep oqýshylary kabınet jetispeýshiliginen jertólede, bala toly synypta oqýǵa májbúr bolǵan. Atap aıtqanda, «alǵashqy áskerı daıyndyq» pen «tehnologııa» sabaqtaryna uldar men qyzdar jertólede bir synypta oqyǵan», - dedi R. Aımuqanov.

Odan bólek, tergeýshiniń aıtýynsha, 3 jylda mekteptiń bos oryn joq degen jeleýmen balalardy qabyldamaý faktileri bolǵan. Nur-Sultan qalalyq bilim basqarmasynyń basshysy mindetin atqarýshy Gúljan Aıtjanova №3 mekteptiń qazirgi jaǵdaıy týraly suhbat berdi. «Qazir bári ózgerdi, jeke mektep ujymy ǵımarattan shyǵaryldy. Onymen kelisimsharty bitken balalar memlekettik mektepke aýysty. Qazirgi ýaqytta mektep dırektory mindetin Qarlyǵash Qalımjanqyzy ýaqytsha atqarady», - dedi G. Aıtjanova.

Sońǵy jańalyqtar