10 Qazan, 21:38 309 0 Áleýmet Anar LEPESOVA

Elordada bir kúnde 3 bala terezeden qulap, aýyr halde jatyr

Nur-Sultanda bir kúnde úsh bala terezeden qulap ketti, dep habarlaıdy Tótenshe jaǵdaılar komıtetiniń baspasóz qyzmeti. 

«Saǵat 11.32-de Baıqońyr aýdany Kúltóbe burylysyndaǵy bes qabatty úıdiń úshinshi qabatynyń terezesinen úıde qaraýsyz qalǵan bala qulap ketti. 2017 jyly týǵan bala qazir aýrýhanada aýyr halde jatyr. Sol sekildi saǵat 12.39-da Saryarqa aýdany Jeńis kóshesindegi úıdiń tórtinshi qabatyndaǵy terezesinen 2015 jyly týǵan bala qulap, aýrýhanaǵa jetkizildi. Onyń da jaǵdaıy aýyr», - dep habarlaıdy komıtetten.

Sonymen birge, saǵat 16.01-de Almaty aýdany Músirepov kóshesinde besinshi qabattyń terezesinen úıde qaraýsyz qalǵan qyz bala qulap ketken. 6 jasar bala aýrýhanada aýyr halde jatyr. Tótenshe jaǵdaılar komıteti mundaı qaýipti jaǵdaılar balalardyń qaraýsyz qalýy saldarynan oryn alatynyn habarlaıdy. Komıtet ata-analardy balalaryn úıde jalǵyz qaldyrmaýǵa shaqyrady.

 

Sońǵy jańalyqtar