10 Qazan, 14:21 300 0 Bilim Anar LEPESOVA

Salyq tólemegen azamattardyń balalary UBT tapsyra ala ma?

Áleýmettik jelilerde salyq bereshegi bar azamattardyń balalary Ulttyq biryńǵaı testileýge qatysa almaıdy degen aqparat taraǵan bolatyn. Osyǵan oraı QR Memlekettik kirister komıteti resmı málimdeme jasady.

«Múlik, jer, kólik salyqtaryn tóleý mindeti QR Salyq kodeksinde bekitilgen. Alaıda, atalǵan qujatta salyq bereshegi bar azamattardyń týystary men jaqyndarynyń emtıhanǵa, memlekettik baǵdarlamalarǵa jáne basqalarǵa qatysýǵa shekteý qoıý boıynsha norma joq. Qoldanystaǵy QR Salyq zańnamasynda aıyppul esepteý sharalary kórsetilmegen. Tek salyqty ýaqytyly tólemegen jaǵdaıda ótkizilgen ár kúnge ósimpul esepteledi»,– dep atap ótti komıtettegiler.

Sondaı-aq, vedomstvo osy jyldyń aıaǵyna deıin jeke tulǵalarǵa arnalǵan salyqtyq raqymshylyq úrdisi júrgizilip jatqanyn eske salady. Onyń erejelerine sáıkes, jeke tulǵa beresheginiń negizgi somasyn ótegen jaǵdaıda ósimpul avtomatty túrde esepten shyǵarylady.

Sońǵy jańalyqtar