10 Qazan, 12:22 154 0 Rýhanııat Túrkistan Gazeti

Aısha Sherhanqyzy: Bútin qazaq rýhanııatyna jasalǵan aıryqsha qurmet

Qazaqstannyń Halyq jazýshysy  Sherhan Murtazanyń Almatyda turǵan úıine eskertkish taqta ornatyldy. Almaty qalasynyń ákimi Baqytjan Saǵyntaev, zııaly qaýym ókilderi men jazýshynyń urpaqtary arnaıy keldi.

Sheraǵańnyń jarqyn beınesin bederlegen memorıaldy taqtaısha keńestik kezeń men odan keıingi táýelsizdik jyldary ult rýhanııatyna sińirgen eren eńbegin dáriptep, dara tulǵanyń esimin keıingi urpaq sanasyna uıalatý maqsatynda qoıylǵan. Atalǵan shara Almaty qalasy ákimdiginiń qoldaýymen uıymdastyrylǵan. Shara barysynda sóz alǵan jazýshynyń qyzy Alma Sherhanqyzy: «Ákem halqym dese janyn berýge ázir turatyn tulǵa edi. Ol aqtyq demi qalǵansha kıeli sóz óneriniń kıesin ketirmeýge, tunyǵyn laılamaýǵa bar kúshin sarp etti. Bul ákeme ǵana emes, bútin qazaq rýhanııatyna jasalǵan aıryqsha qurmet dep bilemin», – dep aǵynan jaryldy. Onan ózge Senat depýtaty Nurtóre Júsip, Májilis depýtaty Darhan Myńbaı, QR Jazýshylar odaǵynyń tóraǵasy Ulyqbek Esdáýlet jazýshynyń shyǵarmashylyǵy men artynda qalǵan baı muralary jaıly sóz sóıledi.

Taǵy bir aıta keterligi, qaıratker-qalamgerdi eske alýǵa bılıardtan  dástúrli týrnır ótti. Sherhan Murtaza atyndaǵy týrnır sonymen qatar, jazýshynyń ózi qyzmet atqarǵan «Egemen Qazaqstan» gazetiniń 100 jyldyq mereıtoıyna oraı uıymdastyrylyp otyr. «Aǵalar» men «Jastar» toby kóp ishinen myqtyny anyq­tap, baǵaly syılyqtarǵa ıe boldy. «Aǵalar» tobynda birinshi oryn – Ardager jýrnalıst Nurtileý Imanǵalıuly ıelense, «Jas­tar» tobyndaǵy birinshi oryn «Al­maty» telearnasy jańalyqtar bóliminiń redaktory Úmbetáli Meımeshke buıyrdy.

 

Sońǵy jańalyqtar