10 Qazan, 10:47 145 0 Nur Otan Arman Qudaıbergen

Partııanyń negizgi maqsaty – máseleni ashyq, ádil talqylaý

Elimizdiń qoǵamdyq-saıası ómirinde júzege asyrylyp jatqan keshendi jańǵyrý úderisteri halqymyzdyń ómir súrý sapasynyń artýyna, áleýmettik jaǵdaıynyń jaqsarýyna jáne rýhanı damýyna erekshe serpin berip otyr. Osy oraıda «Nur Otan» partııasy Qyzylorda oblystyq fılıaly tóraǵasynyń birinshi orynbasary Aqmaral Álnazarovamen suhbattasyp, irgeli uıymnyń ilkimdi isteri jaıly áńgime órbitken edik.

– Aqmaral Sháripbaıqyzy, Pre­­zı­dent Joldaýyn syrboıylyq nur­­otan­dyqtardyń ujym bolyp kórgenin bilemiz. Joldaýdy na­­sı­­hattaý baǵytynda jańa joǵaryda atap ótken máselelerden bólek qandaı jumystar atqarylyp jatyr?

– Prezıdent bizdiń partııamyzdyń mú­shesi jáne «Nur Otan» partııasy atynan usynylyp saılandy. Sondyqtan Memleket basshysynyń Joldaýyn halyqqa jetkizý bizdiń negizgi jumystarymyzdyń biri dep sanaımyz.

Jalpy, partııa fılıaly tarapynan memleket basshysynyń Qazaqstan halqyna arnaǵan «Syndarly qoǵamdyq dıalog – Qazaqstannyń turaqtylyǵy men órkendeýiniń negizi» atty Joldaýyn túsindirý boıynsha aımaqtyq arnaıy jumys jospary daıyndalyp, jyl sońyna deıin medıa jospar bekitilip, jospar aıasynda jumystar júrip jatyr.

Birinshi kezekte Joldaýdy túsindirý jáne nasıhattaý boıynsha arnaıy oblystyq fılıaldyń tóraǵasy, oblys ákiminiń tóraǵalyǵymen oblys aktıvi, oblystyq máslıhattaǵy «Nur Otan» partııasy depýtattyq frakııasynyń otyrystary ót­ki­zildi. 14 iri bastaýysh partııa uıymdarynda talqylaýlar uıymdastyryldy. Onan bólek, Joldaý júktegen mindetterdiń oryndalysyn qadaǵalaý maqsatynda oblystyq fılıal tóraǵasy, oblys ákiminiń qatysýymen partııalyq tyńdaýlar, áleýmettik toptarmen maqsatty tú­sin­dirý jumystaryn  júrgizý úshin «Baqytty otbasy» partııalyq jobasy aıasynda árip­tes ÚEU jetekshilerimen, áleýmettik jeli belsendilerimen (blogerler), «Keder­gisiz keleshek» jobasy aıasynda múmkin­digi shekteýli azamattarmen kezdesýiler ót­ki­zildi. Aldaǵy aptada Joldaýdy túsindirý jáne na­sıhattaýǵa arnalǵan saılaýaldy baǵdarlamanyń baǵyttary boıynsha partııalyq komıssııalar men aımaqtyq kásipkerlikti qoldaý jónindegi keńes jáne «Mıras» aımaqtyq keńesiniń otyrystary josparlanyp otyr.

BAQ jáne áleýmettik jelilerde ózimnen bastap, barlyq aýmaqtyq partııa fı­lıaldary tóraǵalarynyń birinshi oryn­basarlary, frakııa músheleri, bastaýysh uıym tóraǵalarynyń suhbattary men maqalalary, pikirleri jarııalanyp jatyr. Qazirgi tańda azamattar kóp shoǵyrlanatyn oryndarda, sonyń ishinde jolaýshylar tasymalymen aınalysatyn avtobýstarda, bazarlarda arnaıy jabyspaly nasıhattyq paraqshalar daıyndalyp jatyr. Aldaǵy aptada «Jas Otan» Jastar qanaty eriktilerimen tıisti oryndarǵa ilinetin bolady. Bir sózben aıtqanda, Joldaýdy túsindirý jáne nasıhattaý boıynsha tıisti jumystar partııanyń Ortalyq apparatynyń nusqaýlyqtary boıynsha aldyńǵy ýaqyttarda da jalǵasa beretin bolady.

– Ózińiz biletindeı, tamyz aıynda  Elbasy, «Nur Otan» Partııasynyń Tóraǵasy Nursultan Nazarbaevtyń jetekshiligimen  Saıası uıymnyń keńeı­tilgen keńesi ótti. Sonda Elbasy partııa jumysyn jańǵyrtýdyń jańa je­­ti baǵytyn aıqyndap bergen edi. Osy tóńiregine keńirek toqtalsańyz...

– Shynynda bul partııanyń aldaǵy jumys baǵytyn aıqyndaıtyn úlken jıyn dep aıtsam artyq bolmas. Sebebi Saıa­sı keńeste Qazaqstannyń Tuńǵysh Prezıdenti «Senim. Dıalog. Bolashaqqa nyq qadam – «Nur Otan» partııasynyń 7 serpini» atty partııa jumysyn júıeli jańǵyrtý baǵdarlamasyn usyndy. Onda partııanyń barlyq deńgeıdegi áleýetin arttyrý, belsendi partııa múshelerin toptastyrý,  partııanyń ıadrolyq elektoratyn qalyptastyrý, bastaýysh uıymdardyń rólin kóterý; jemqorlyqpen kúresti kúsheıtý, partııadan laıyqty emes múshelerdi shyǵarý úshin sharalar qabyldaý, sonyń ishinde qoǵamnyń ashyqtyǵy, qıyn­dyqtardy, túıtkildi máselelerdi búkpesiz ashyq aıtý jáne sheshý máseleleri qamtyldy.  Árıne, bul partııamyzdyń eń negizgi jumystary dep esepteımin. Sebebi,  elimizdegi basty saıası kúsh «Nur Otan» partııasynyń ókilderi retinde bizdiń aldymyzda Nursultan Ábishuly atap ótkendeı, halyqqa jaqyn bolyp, onyń muń-muqtajyn bilý men oǵan qoldaý bildirý, qoǵamda týyndaıtyn máselelerdi sheshýge kómektesip, halyqpen keri baılanys ornatý quraldarynyń tıimdi­ligin arttyrý mindetteri tur.

– Partııa jumysyn jańǵyrtýdyń jańa jeti baǵytyn aıttyq. Endi osy baǵyttaǵy atqarylǵan jumystarǵa toqtalyp ótseńiz...

– Jańa atap ótkenimdeı bizdiń aldymyzda qoǵamnyń partııaǵa degen senimin arttyrý maqsatynda aqparattyq-ıdeologııalyq jumystardy kúsheıtip, barlyq qoǵam múshelerin partııa janyna toptastyrý mindeti tur.

Qazir jaǵdaıdyń jaqsarýyna oraı qoǵamnyń suranysy da ózgerdi. Sondyqtan biz osy suranystarǵa saı bolyp, halyqtyń seni­min aqtaý úshin jumys isteýi­miz qajet. Bul jerdegi bizdiń negizgi tási­limiz – kez kelgen máseleni ashyq, ádil tal­qylaý. Osy maqsatta partııa zaman talaptaryna saı ózgerip, naqty reformalardy qolǵa alyp jatyr.

Bizdiń partııa fılıaly da óz tarapynan Úki­mettik emes uıymdarmen jáne túrli áleýmettik toptarmen baılanysty kúsheıtýdi bastady.

Atap aıtar bolsaq, búgingi kúnge ardagerler, múmkindigi shekteýli jandar, úkimettik emes uıymdar, buqaralyq aqparat quraldary ókilderi, kásipodaq uıymdary jáne áleýmettik jeli belsendilerimen kezdesip, qoǵamdaǵy ózekti máseleler men olardy sheshý joldary talqylandy. Jaqynda oblystyq fılıaldyń tóraǵasy, oblys ákimi Qýanyshbek  Ysqaqovtyń tór­aǵalyǵymen eń mańyzdy salalar bi­lim, densaýlyq  baǵytyndaǵy jumystardyń júzege asyrylý barysy, odan keıin ındýstrııaldy damýdyń múmkindikteri tóńireginde tıisti basqarma basshylarynyń esepteri tyńdaldy. Osy jerde memlekettik organ basshylary da  ózderiniń partııa múshesi retindegi jaýapkershiligin sezinýi tıis dep esepteımin.

– Elbasy partııany jańǵyrtýda saıası uıymnyń ıadrolyq elektoratyn qalyptastyrý kerektigin atap ótti. Sonda ıadrolyq elektorat degende kimderdi aıtamyz?

– Shyny kerek, «bastaýysh uıym – partııa negizi», – degen sózdi  Partııa Tóraǵasy únemi aıtyp júredi. Degenmen muny bizdiń bastaýysh uıymdarymyz áli de túsinińkiremeı kele jatqan sekildi. Sebebi, ıadrolyq elektorat árıne, osy bastaýysh uıymdary men partııanyń belsendi músheleri. Sondyqtan, bastaýysh partııa uıymdary tóraǵalary men partııa belsendileri tek múshelik jarna jınaqtaýmen shektelmeı, jergilikti jerdegi barlyq  aýhalmen  tanys, halyqpen  keri baılanys ornata biletin saıası lıder bolýy kerek. Partııa Tóraǵasynyń ıadrolyq elektorat qalyptastyrýdaǵy jaýapkershilikti árbir bastaýysh uıym tóraǵalary birinshi kezekte sezinýi tıis.

– Partııanyń kóptegen áleýmettik jobalary sátti júzege asyrylyp jat­qanynan habardarmyz. Ary qaraı jalǵasyn tabýy tıis jobalar bar ma?

– Jasyratyny joq. Partııanyń túr­li baǵyttaǵy 20-dan astam jobalary bol­dy. Olar óz maqsat-mindetterine qaraı júzege asty. Óz ıgiligin berdi.  Degenmen qazirgi qoǵamnyń qajettiligine qaraı birqatar jobalar ǵana ómirsheńdigin kórsetip otyr. Muny Elbasymyz da, Memleket basshysy da Qazaqstan halqyna arnaǵan Joldaýynda atap ótti. Árıne, ol «Ardagerlerdi ardaqtaıyq», «Kedergisiz-keleshek», «Baqytty otbasy» jobalary. Bul jobalar aty aıtyp turǵan­daı kózdegen  maqsatyn oryndap ja­tyr.  Máselen, «Ardagerlerdi ardaqtaıyq» jobasy qazynaly qarttarymyzdy qoldaýǵa, «Baqytty otbasy» kóp balaly analar, áleýmettik az qamtylǵan otbasylardyń janashyry. Al «Kedergisiz keleshek» múmkindigi shekteýli azamattarymyz úshin kedergisiz orta qalyptastyrýǵa baǵyttalyp otyr. Qazir osy joba aıasynda partııa janynan quramy úkimettik emes uıymdar, múgedekter qoǵamdyq birlestikteri, tıisti memlekettik organdar ókilderinen jasaqtalǵan arnaıy toptar oblys kólemindegi barlyq áleýmettik nysandarǵa baqylaý jasap, olardyń múmkindigi shekteýli jandar úshin qoljetimdiligin arttyrýǵa jumys istep jatyr. Iaǵnı, qyrkúıektiń 10-nan  bastap, qazannyń 10-na deıin, oblystaǵy 800-ge jýyq nysandy baqylaý josparlanǵan. Naqty kezeńde 195 obektige monıtorıng jumystary jasalyp, basshylaryna tapsyrmalar berildi.

– Áńgimeńizge rahmet!

Suhbattasqan

Arman Qudaıbergen

Sońǵy jańalyqtar