10 Qazan, 10:10 150 0 Kólik Túrkistan Gazeti

ELORDADA EL NEGE ERKIN JÚRE ALMAIDY?!

Memleket basshysy Elordany odan ári damytý jóninde jıyn ótkizip, birqatar naqty tapsyrma berdi. Qasym-Jomart Toqaev sońǵy 10 jylda Elordaǵa tartyl­ǵan ınvestıııa kólemi­niń azaıyp ketkenine nazar aýdardy. Mem­le­ket basshysy qala ákim­digi men Syrtqy ister  mınıstrligine osy baǵyt­taǵy jumysty jandandyryp, jýyq arada naqty nátı­je­lerge qol jetkizýdi tapsyrdy.

– Nur-Sultan ekonomıka men bıznes ortaǵa qolaıly jaǵdaı jasaıtyn qala bolyp qala berýi qajet. Basty mindetterdiń biri – ınvestıııa tartý,– dedi Prezıdent.

Qasym-Jomart Toqaev ózekti má­se­­le­lerdiń biri retinde baspana berý men qurylys jumystarynyń báseń­deýin atady.

– Úleskerlik qurylys máselesin tez arada sheshý kerek. Qalada 49 prob­le­malyq nysan bar. Ondaǵy qu­ry­lystyń aıaqtalýyn 13,5 myń úlesker taǵat­syzdana kútip otyr,– dedi Memleket basshysy.

Prezıdent Elorda turǵyndarynyń ómir súrýine meılinshe qolaıly jaǵ­daı jasaý kerektigine kóńil bóldi. Pre­zı­denttiń paıymdaýynsha, Nur-Sultan – «tórt qubylasy teń qala» qaǵı­da­tymen damýy qajet. Negizgi mindet – jol salý jáne jóndeý, ortalyq kommýnıkaııalardy tartý, shetki kósheler men «Mıchýrıno», «Internaıonalnyı», «Kúıgenjar» eldimekenderin ja­ryqtandyrý.

– Qalanyń kóptegen aýdandarynda jabdyqtalǵan trotýarlar men júrgin­shi­ler ótpesi joq. Saldarynan, júrgin­shilerdiń ómiri men densaýlyǵyna qater tónedi. Biz kólikpen júremiz, al adamdar joldan óte almaıdy. Olar kez kelgen jerden kesip ótip, jol júrisi erejelerin buzýǵa májbúr, ári ózi men júr­gizýshi úshin qaýip týdyrady. Ór­ke­nıetti qalalarda barlyq jerlerde ótpeler jasalady. Júrgizýshiler men avtokó­lik­ter úshin jaǵdaı jasadyq, áıtse de, aza-mattarymyzdyń qajet­ti­lik­terin umy­typ, tıisti jaǵdaılar túz­bedik. Biz adam­dardy joldy belgilenbegen jerden júgirip ótýge ózimiz ıtermeleımiz. Osyǵan qajetti jobalarmen aınaly­sy­ń­yzdar, kópirler, ótpeler tur­ǵyzyńyzdar! – dedi Memleket basshysy.

Qasym-Jomart Toqaev qala tur­ǵyn­darynyń qozǵalysyn qamtamasyz etý máselesin de aınalyp ótpedi. Bul tur­ǵyda Memleket basshysy jeńil rels­ti kólik (LRT) qurylysyn synǵa aldy.

– Úkimet pen ákimdikke LRT qury­ly­syn qaıta bastaý jáne birinshi kezeńiniń aıaq­talý merzimin naqty belgileýdi, sonymen qatar, ekinshi kezeńniń kestesi men júzege asyrý tetikterin aıqyndaýdy tapsyramyn,– dedi Prezıdent.

Prezıdent energetıka salasyndaǵy nysandar qurylysynyń ýaqytyly aıaqtalmaýyn atap aıtty. Qurylysy 2010 jyly bastalyp, bıyl aıaqtalýy tıis JEO-3-tiń paıdalanýǵa berilý merzimi keıinge shegerilgenin mysalǵa keltirdi. Qasym-Jomart Toqaev qalanyń «Saryarqa» gaz qubyryna qosylýǵa daıyn bolmaýyn da synǵa aldy.

Prezıdent azyq-túlik jáne kún­delik­ti tutyný taýarlarynyń qym­bat­tyǵyna nazar aýdardy. Onyń oıynsha, baǵanyń qymbattyǵy – ınfraqurylym men azyq-túlik beldeýiniń nasharlyǵy, saýda oryn­darynyń jetispeýshiliginiń aıǵaǵy.

Qasym-Jomart Toqaev Nur-Sultan qalasy men Aqmola, Qaraǵandy, Pavlodar oblystarynyń ákimdikterine taýar óndirýshilermen jáne saýda jelilerimen tikeleı baılanys ornatýdy tapsyrdy.

Memleket basshysy óz sóziniń basym bóligin qala turǵyndarynyń áleýmettik turmys jaǵdaıyn jaqsartýǵa arnady. Onyń oıynsha, ishki mıgraııalyq proesterge baqylaýdyń bolmaýynan jyl saıyn qala halqynyń sany artyp, ol óz kezeginde áleýmettik ınfra­qu­ry­lym­ǵa, sonyń ishinde medıına men bilim sa­la­syna salmaq túsirýde.

Prezıdent bilim berý uıymdarynda oryn jetispeýshiligin aıtty. Ol mektepter men mektepke deıingi bilim berý me­kemelerindegi oryn tapshylyǵyn sheshý úshin jekemenshik áriptestikti kóbirek tartýdyń mańyzdylyǵyn aıtty.

Qasym-Jomart Toqaev medıına­lyq qyzmettiń sapasyn arttyrýdy da atap ótti. Bul turǵyda 60 jyldan beri kúrdeli jóndeý júrgizilmegen Ortalyq temirjol aýrýhanasynyń apatty jaǵ­daıyn mysalǵa keltirdi.

Sonymen qatar Memleket basshysy sport­­tyq nysandardyń qala turǵyn­da­ry úshin qoljetimdi bolýy úshin qa­jetti sharalar uıymdastyrýdy, «Qazaq­stan» jáne «Tolqyn» sport keshenderinde qaı­ta jón­deý jumystaryn júrgizýdi tapsyrdy.

Prezıdent Nur-Sultan aǵylshyn tilinde qyzmet kórsetetin halyqaralyq ortalyq retinde damı berýi kerek dedi.

– Sheteldik sarapshylar men ınves­tor­larǵa aǵylshyn tilinde «bir tereze» qa­ǵıdaty boıynsha qyzmet kórsetýdi uıym­dastyrý kerek. Ol úshin qala ákim­digi «Astana» halyqaralyq qarjy orta­ly­ǵy Ekspat ortalyǵynyń múm­kindigi men tájirıbesin paıdalanýy tıis,– dedi Memleket basshysy.

Qasym-Jomart Toqaev Elordanyń qarqyndy damýy úshin  turǵyndarynyń qaýipsizdigin qamtamasyz etý máselesi de ózekti ekenin aıtty.

– Jyl basynan beri balalardyń te­re­zelerden, balkonnan qulaý saldarynan 14 tosyn jaǵdaı tirkeldi. Qury­lys normalarynda qaýipsizdiktiń naqty parametrlerin kúsheıtý qajet dep sanaımyn,– dedi Prezıdent.

Sondaı-aq, Memleket basshysy qala­ny abattandyrý jáne qoǵamdyq oryndardy qaıta jańǵyrtý josparymen tanysty. Nur-Sultan qalasynyń ákimi Altaı Kólginov Prezıdentke Elordanyń áleýmettik-mádenı damýy, kógaldandyrý men júzege asyrylyp jatqan negizgi ınfraqurylymdyq jobalar jaıynda baıandady.

Sońǵy jańalyqtar