9 Qazan, 16:39 176 0 Aımaq Anar LEPESOVA

Kóktóbege 40 myń túp alma aǵashy otyrǵyzylady

Kóktóbege 35-40 myń Sıvers alma aǵashy jáne «Atakent» alleıasyna 3 myń kóshet otyrǵyzylady. Bul týraly Almaty qalasy Jasyl ekonomıka basqarmasynyń Jasyl qordy monıtorıngileý jáne basqarý bóliminiń basshysy Oljas Janysbaev málimdedi. 

«Bıyl kúzde jasyl ekonomıka departamenti Almaty aýmaǵyna 139 myńǵa jýyq aǵash otyrǵyzýdy josparlap otyr. Onyń ishinde 50 myń aǵashty ótken senbide Mohnatka taýyna otyrǵyzdyq. Osy senbide, 12 qazanda Kóktóbe taýyna 35-40 myń túp Sıvers almasy otyrǵyzylady. 19 qazanda «Atakentte» 3 myńǵa jýyq aǵash otyrǵyzylady. Odan ári kógaldandyrý jalǵasady, Atletıkalyq aýylda 4 myńǵa jýyq aǵash, Saıaly móltek aýdanynda 2 myń aǵash, Alataý aýdanyndaǵy «Alataý» teatrynyń janynda 700 aǵash, Zerdeli jáne Jas qanat yqsham aýdandarynda tıisinshe 700 jáne 3500 aǵash otyrǵyzylady», - deıdi Janysbaev.

Sońǵy jańalyqtar