9 Qazan, 14:44 164 0 Aımaq Anar LEPESOVA

Baqytjan Saǵyntaev: Almaty álemdegi eń úzdik 100 qalanyń qataryna enýi tıis

Almaty qalasy Ortalyq Azııa keńistigindegi iskerlik jáne halyqaralyq baılanystar ortalyǵy bolýy kerek. Ál-Farabı atyndaǵy QazUÝ-da «Almaty-2050» jobasynyń tanystyrylymy barysynda osylaı dep málimdegen qala ákimi  Baqytjan Saǵyntaev megapolısti damytýdyń maqsat-mindetterine toqtaldy. 

«Almaty qalasynyń uzaqmerzimdi maqsaty – ómir sapasy boıynsha álemdegi úzdik 100 qalanyń qataryna kirý. Bul – naqty maqsat. Óıtkeni, 2019 jyly Almaty Mercer's Quality of living survey reıtınginde 177-orynda tur», - dedi Baqytjan Saǵyntaev ál-Farabı atyndaǵy QazUÝ-da «Almaty-2050» jobasynyń tanystyrylymy barysynda.

Ákim álemdegi TOP megapolıster reıtıngine kirý jeke maqsat emes ekenin atap ótti. Bul qadam Almatyny qarjy, taýarlar, kásibı qyzmetter men aqparattar aǵymyna qyzmet etetin jahandyq tolyqqandy halyqaralyq habqa aınaldyrý úshin qajet.

«Qala Ortalyq Azııa keńistigindegi iskerlik jáne halyqaralyq baılanystar ortalyǵy bolýy kerek. Osyndaı halyqaralyq deńgeıdegi ıntegraııalanǵan qalanyń joly aıqyn. Álemdik reıtıngterdiń ólshemderi men kórsetkishteri belgili. Biz aldymyzǵa úlken mindet qoıdyq – halyqaralyq reıtıngterde baǵalanatyn jahandyq qalalardyń álemdik júıesindegi Almatynyń ornyn nyǵaıtý», - dedi ákim.

 

Sońǵy jańalyqtar