9 Qazan, 12:45 179 0 Aımaq Anar LEPESOVA

Almaty polıeıleri 20-qabattan sekirmek bolǵan jas anany qutqardy

Almaty polıeıleri turǵyn úıdiń 20-shy qabatynan sekirmek bolǵan jas anany qutqardy, dep habarlaıdy QazAqparat.

Almaty polıııasynyń «102» pýltine «Manhetten» turǵyn úı kesheniniń turǵyndarynan 20-qabattaǵy úılerdiń biriniń dálizindegi balkonnan aıaǵyn syrtqa salbyrata otyrǵan áıel týraly habarlama túsken. Kórsetilgen mekenjaıǵa dereý Býran-080 patrýldik toby attanǵan. Oqıǵa ornyna jetken polıııa aǵa leıtenanty Saıat Bekjanov pen polıııa podpolkovnıgi Nursultan Bektursyn bul aqparatty rastap, ǵımarattyń 20-qabatyna kóterilgen.

«Birden shara qoldanýǵa kóshtik. Oǵan aqyryn jaqyndadyq: áıel balkonnyń shetinde otyr eken. Janynda bala arbasy turdy, ishinde kishkentaı sábı jatty. Kórshi úıdiń turǵyndary áıeldiń nazaryn ózderine aýdaryp, mundaı sheshimnen bas tartýyn ótinip jatty. Jaǵdaıdy baǵalaı otyryp, júgire janyna jettik te, balkonnan ishke túsirip aldyq. Jaǵdaıdy suraǵanymyzda áıel eshteńe aıta almaı, jylady. Men ony qushaqtap, jubatýǵa tyrysqanymda, ol qatty jylaı bastady. Onyń problemasy bolǵany anyq. Eń bastysy, jas ana men onyń alty aılyq balasy qutqaryldy», - dedi Almaty qalalyq jol-patrýldik qyzmetiniń polıeıi Saıat Bekjanov.

Belgili bolǵandaı, áıeldiń jasy – 26-da, alty aılyq balasy bar, turmysqa shyqqan. Kúıeýi basqa qalada jumys isteıdi. Qazir polıııa jas ananyń mundaı áreketke barýyna ne sebep bolǵanyn anyqtap jatyr. Sondaı-aq, onymen psıholog jumys isteýde.

 

Sońǵy jańalyqtar