8 Qazan, 14:26 187 0 Qaýipsizdik Anar LEPESOVA

Almaty oblysynda taý basyndaǵy 17 kól qaýipti

Almaty oblysynda taý basyndaǵy 36 kóldiń 17-si qaýip týdyrady. Taýdaǵy kólderdiń sýyn azaıtyp jatqan «Qazseldenqorǵaý» mekemesiniń ókilderi osylaı dep málimdedi. Búginde eń qaýipti degen №13-shi kóldiń beti qatyp qalǵan. Odan bólek, tasý qateri bar 17 sý qoımasynda da apparattar ornatylyp, sý deńgeıi azaıtylyp jatyr, dep habarlaıdy "Almaty" arnasy.

Alataýdyń tóbesinde ornalasqan 36 morenalyq kóldi «Qazseldenqorǵaý» mekemesiniń ókilderi osylaı tikushaqpen turaqty aralap turady. Qysy-jazy qar basyp jatatyn shyńdardyń basyna jıi kóterilip, baqylap otyrý olardyń kúndelikti jumysy. Búgingi baqylaýda mamandardyń kólderdiń qys aldyndaǵy jaǵdaıymen tanysty.

«Taýly jerde jatqan kólderdi kózben sholý jumystaryn júrgizip óttik. Kólder qazir qysqy maýsymǵa aýysyp jatyr. Deńgeıleri tómen. Eshqandaı qaýip joq», - dedi «Qazseldenqorǵaý» MM bólim basshysy Erjan QOSBAQOV.

Qalyń qardyń eteginde jatqan №13-morenalyq kóldiń sýy tasysa, Úlken Almaty kanaly arnasyna sý sımaı qalady deıdi. Qazirgi tańda kól betine sý tartqysh apparat ornatylyp, kólemi azaıtylyp jatyr.

Alataý bókterinde ornalasqan kólderdiń ishinde Almaty turǵyndary men «Qazseldenqorǵaý» mekemesiniń mamandaryn jıi ábigerge salatyn osy №13 kól. Teńiz deńgeıinen 3500 metr bıiktikte ornalasqan. Jalpy mamandardyń aıtýynsha, ázirge bul kólden keler qaýip joq eken.

Taý basyndaǵy 36 kóldiń 17-si qaýip týdyrady eken. Búgingi sholý barysynda olardyń birazynyń tartylyp, betine muz qatqanyn baıqady mamandar. Demek, sel qaýpi túgelimen seıildi.

Sońǵy jańalyqtar