8 Qazan, 14:10 171 0 Saıasat Anar LEPESOVA

Toqaev elordadaǵy qurylysy ýaqyty aıaqtalmaǵan nysandarǵa shúılikti

Nur-Sultan ákimdiginde ótip jatqan qalany odan ary damytý máseleleri jónindegi májiliste Qazaqstan prezıdenti Qasym-Jomart Toqaev elordada energetıka nysandary qurylysynyń ýaqytynda aıaqtalmaýyn synǵa aldy.

"Qurylysy 2010 jyly bastalǵan 3-Jylý elektr stansasy osy jyly paıdalanýǵa berilýi tıis bolatyn. Biraq, paıdalanýǵa berý merzimi birneshe ret keıinge shegerildi. Demek, joba taǵy bir jylǵa shegerilmek. Endi jobalyq-smetalyq qujaty aldan shyqty. Ony túzetý qajet. Joba 1,5 ese qymbattady. Buǵan qosa, somasy az emes – 40 mlrd teńgeden asyp jyǵylady", - dedi Toqaev.

Qazaqstan prezıdenti ákimdik memlekettik bıýdjet esebinen júzege asyrylyp jatqan jobalardy ýaqytynda aıaqtaýy tıis ekenin eskertti.

Memleket basshysy qalanyń energetıkalyq júıesin "Saryarqa" gaz qubyryna qosýǵa daıyn bolmaýy da problema ekendigin basa aıtty.

"Bul – múldem túsiniksiz másele. Qalaı oryn alǵan? Osy jylǵa kózdelgen 2,7 mlrd teńge basqa óńirlerdiń arasynda qaıta bólinedi.

Oǵan qosa, biz eń birinshi kezekte, dál osy elordany gazdandyrý jaıynda oılaýymyz kerek edi. Óıtkeni, qysta ne oryn alatynyn jaqsy bilesizder: qala tútinge oralyp, eń aldymen, turǵyndardyń, sondaı-aq dıplomatııalyq korpýs aldynda yńǵaısyzdyq týyndaıdy", - dedi Toqaev.

Sońǵy jańalyqtar