8 Qazan, 10:13 215 0 Aımaq Anar LEPESOVA

Shań-tútinge ýlanǵan arystyqtar kómir bazasyn jaýyp tastaýdy talap etti

Jarylystyń zardabyn tartqan Arys turǵyndary endi  kómirdiń shańy men tútinine ýlanyp otyr, dep habarlaıdy KTK arnasy. 

Kókónis qoımasy retinde ashylǵan jekemenshik nysan  bes jyldan beri kómir bazasyna aınalyp ketipti. Turǵyn-jaılardan kemi jarty shaqyrymda ornalasýy tıis baza men úılerdiń arasy 50 metr bolǵandyqtan, arystyqtar jazdaı shańǵa tunshyǵyp, qystaı tútinge ýlanyp jatyrmyz deıdi.

"Kúnde osy, tań atqannan kesh batqanǵa. Balashaǵany úıge qamap shyǵarmaımyn. Shyǵarǵannyń ózinde mektepke aparamyz, bireýi úıde ýlanyp jatyr. Demalýyń qıyn, jótel degen bále boldy. Qazir basymyz aýyryp júr. Betperde saýdasy qyzyp tur", - deıdi Arys qalasynyń turǵyny Úkijan Asanova.

Ókpesi qatty otynnyń shańy men tútinine tolǵanyn aıtqan arystyqtar shetimizden syrqat boldyq dep shaǵymdanýda. Kómir bazasynyń ornyn aýystyryp, ne jaýyp tastaýyn talap etken jurt jergilikti bılikke san márte shaǵym jazǵan. Tekserip kelgen sanepıdemılologtar men ekologtar turǵyndardyń aryzyn quptap, zııandy nysan úılerge jaqyn ornalasqanyn eskertip, jabylsyn degen uıǵarym jasapty. Alaıda quzyrly oryndardyń sheshimin jekemenshik mekeme basshysy «qystyrǵan da joq» degen jurt kómir satatyn kásipkerdiń joǵaryda dókeı kókeleri bar dep sanaıdy. Al jurtqa zııan tıgizgenin moıyndaǵan kásipkerdiń ózi «bar túıtkil jergilikti ákimdikte» dep otyr.

Sońǵy jańalyqtar