7 Qazan, 21:01 205 0 Saıasat Anar LEPESOVA

Qasym-Jomart Toqaev Bolgarııanyń Vıe-prezıdentin qabyldady

Prezıdent Qasym-Jomart Toqaev Bolgarııanyń Vıe-prezıdenti Ilııana Iotovany qabyldady, dep habarlaıdy Aqorda.

Kezdesý barysynda taraptar eki jaqty yntymaqtastyqtyń qazirgi jaı-kúıi men perspektıvalaryn, onyń ishinde Bolgarııa Prezıdenti Rýmen Radevtyń Nur-Sultanǵa keler jylǵy saparyn talqylady.Qasym-Jomart Toqaev Qazaqstan men Bolgarııa arasyndaǵy jan-jaqty qarym-qatynasty odan ári keńeıte berýge nıetti ekenin bildirdi.

Prezıdenttiń aıtýynsha, Qazaqstan Bolgarııaǵa saýda-ekonomıkalyq áriptestik turǵysynan da, Eýropa Odaǵymen ózara is-qımyl baǵyty boıynsha da qyzyǵýshylyq tanytady. Eki el arasyndaǵy qarym-qatynastardyń damýyna halqymyzdyń ajyramas bóligine aınalǵan bolgar dıasporasynyń qosatyn úlesi zor.

– Qazaqstan jerinde bolgar halqynyń besinshi býyny ómir súrip jatyr. Biz bolgar halqyna úlken qurmetpen qaraımyz, Bolgarııamen aradaǵy yntymaqtastyǵymyzdy joǵary baǵalaımyz, eki el arasyndaǵy qarym-qatynas tabysty damýda,– dedi Memleket basshysy.

Qazaqstan kóshbasshysy qazirgi ýaqytta Bolgarııamen ózara is-qımyldardy jańa sapaly deńgeıge kóterýge qolaıly jaǵdaı qalyptasqanyn atap ótti. Óz sózinde Qasym-Jomart Toqaev ekijaqty qarym-qatynasyna tyń serpin beretin perspektıvaly baǵyttardy ázirleý úshin Úkimetaralyq komıssııanyń jumysyn jandandyrý mańyzdy ekenin aıtty.

Óz kezeginde Bolgarııanyń Vıe-prezıdenti memleketter arasyndaǵy, onyń ishinde Eýropalyq Odaq boıynsha da yntymaqtastyqty odan ári damytýǵa beıildi ekenin bildirdi. Ilııana Iotovanyń sózinshe, búginde Qazaqstan Qasym-Jomart Toqaevtyń 2019 jyldyń qyrkúıegindegi Joldaýynda aıtylǵan aýqymdy reformalardy júzege asyrý jaǵynan úlken jetistikterge qol jetkizdi.

Onyń oıynsha, atalǵan baǵdarlamany iske asyrý halyqtyń ál-aýqatyn arttyrýǵa, Úkimet pen azamattyq qoǵam arasyndaǵy dıalogty qalyptastyrýǵa zor yqpal etedi. Bolgarlyq saıasatker Memleket basshysynyń Ulttyq qoǵamdyq senim keńesin qurý týraly ıdeıasyna qyzyǵýshylyq tanytty. Sonymen qatar Ilıana Iotova etnosaralyq kelisimniń qazaqstandyq modelin joǵary baǵalap, bolgar dıasporasy Qazaqstannyń damýyna eleýli úles qosa beretinine senim bildirdi. Kezdesý sońynda Bolgarııanyń Vıe-prezıdenti Pavlodar oblysyna baryp, onda jergilikti bolgar etnosy ókilderimen kezdesýdi josparlap otyrǵanyn aıtty.

Sońǵy jańalyqtar