7 Qazan, 17:26 289 0 Áleýmet Anar LEPESOVA

Kópbalaly otbasynyń ár balasyna 10 myń teńgeden járdemaqy beriledi

Keler jyldyń 1 qańtarynan bastap barlyq kópbalaly otbasylarǵa tabysyna qaramastan járdemaqy tólenedi. Bul týraly Ortalyq kommýnıkaııalar qyzmetinde ótken baspasóz máslıhatynda Eńbek jáne halyqty áleýmettik qorǵaý mınıstri Birjan Nurymbetov málimdedi. 

«4 nemese odan da kóp kámelet jasqa tolmaǵan balasy bar otbasylarǵa memlekettik járdemaqy tólenedi. Járdemaqy mólsheri bala sanyna qaraı saralanady. Ár balaǵa orta eseppen 10-11 myń teńge», - dedi Eńbek jáne halyqty áleýmettik qorǵaý mınıstri Birjan Nurymbetov OKQ baspasóz máslıhatynda.

Sonymen qatar 1 qańtardan bastap kepildi áleýmettik paket taǵaıyndalady. Onda turmysy tómen otbasylardaǵy 1 jastan 18 jasqa deıingi balalarǵa balalar taǵamy, gıgıenalyq quraldar, mektep kıimderi, oqý quraldary beriledi jáne mektepte tegin tamaqpen qamtamasyz etiledi. Sondaı-aq jol júrý shyǵyndaryn óteý qarastyrylǵan.

Sońǵy jańalyqtar