7 Qazan, 12:55 197 0 Qaýipsizdik Anar LEPESOVA

Nıý-Iork soty Ábilıazovqa qatysty qandaı sheshim qabyldady?

Nıý-Iorktegi sot qaraýy budan tórt jyl buryn Almaty qalasy ákimdiginiń jáne ortaq talapker BTA Banktiń Muhtar Ábilıazov pen onyń qylmystyq sybaılastaryn Qurama Shtattarda urlanǵan aqsha qarajatynyń izin jasyrdy dep aıyptaǵan talap-aryzy boıynsha qozǵalǵan bolatyn.

Sol kezden beri Almaty ákimdigi Ábilıazovtyń jasaǵan qylmystaryn rastaıtyn eleýli dáleldemeler jınady, sondaı-aq sol qylmystardyń kóptegen kýálarynyń jaýaptaryn aldy. Qaraýdyń sotqa deıingi satysy qazirgi ýaqytta aıaqtalýǵa jaqyn, jáne Almaty ákimdigi AQSh alqabıler sotynyń aldyndaǵy sot qaraýy 2020 jyly ótedi dep sanaıdy.

Nıý-Iork sotynyń 2019 jylǵy 30 qyrkúıektegi sheshimi osy sot qaraýyn edáýir jeńildetedi. Bul is 2015 jyly birinshi ret qozǵalǵan kezde Almaty ákimdigi jáne ortaq talapker BTA Bank talaptarynyń qataryna Nıý-Iorktegi Flatotel degen atpen belgili jyljymaıtyn múlikti qaıtarýǵa negizdelgen «alaıaqtyq jolmen tabystaý» týraly talap-aryzyn qosqan.

Ábilıazov pen onyń sybaılastary Almaty ákimdiginiń aktıvterin qaıtarýyn boldyrmaý maqsatynda 2014 jyly bul múlikti satyp jibergen. Nıý-Iork sýdıasy óziniń sheshiminde «alaıaqtyq jolmen tabystaý týraly talap-aryzdyń máni is aıaqtalǵanda Almaty ákimdigi men ortaq talapker BTA Bank jeńiske jetken jaǵdaıda sot sheshimin oryndaý úshin Flatotel-ge qol jetimdilikti qamtamasyz etýde» dep túsindirdi. Alaıda, bizge belgili bolǵandaı, 2015 jyldyń sońynda Almaty ákimdigi jáne ortaq talapker BTA Bank Nıý-Iork sáýlet ǵımaratyn salýshysynyń menshigindegi jyljymaıtyn múlikti ózine sátti túrde qaıtaryp alǵan. Sondyqtan osy aptada sýdıa talapkerler bul talap-aryzdy óz múligin ózine qaıtaryp alý arqyly áldeqaıda jeńip qoıǵandyqtan alaıaqtyq jolmen tabystaý týraly talap-aryzdyń qajeti joq ekendigi týraly sheshim qabyldady.

Sottyń sheshimi qandaı da bir basqa talaptarǵa áser etpeıdi jáne Almaty ákimdigi men ortaq talapker BTA Bank is qaraýdyń sońynda alýdy úmittenip otyrǵan zalaldy óteýge áser etpeıdi.

Odan bólek, sot sheshimi Ábilıazovty nemese onyń sybaılastaryn qoldaıtyn dáleldemelerge emes, tehnıkalyq quqyqtyq máselege negizdelgen. Almaty ákimdigi men ortaq talapker BTA Bank baıaǵysynsha alqabıler Ábilıazov pen onyń sybaılastarynyń osy qylmystardy jasaǵandyǵyna kózderi jetip, oǵan qosa talapkerlerge aqsha qarajattaryn, sonyń ishinde talapkerler istiń basynda sátti túrde tyıym salǵan ondaǵan mıllıon dollardy qaıtaratyndyǵyna senimdi.

Derekkóz: QR Ádilet mınıstrliginiń baspasóz qyzmeti

Sońǵy jańalyqtar