7 Qazan, 11:55 348 0 Ekonomıka Anar LEPESOVA

Elimizdegi eń baı adamdardyń tabysy jarııalandy

Elimizde 12 mıllıon eresek adam bar. Olardyń 96 paıyzdan astamynyń jalaqysy jylyna 10 myń dollardan aspaıdy. Bul – árıne qarapaıym halyqtyń tabysy. Al Qazaqstandaǵy eń baı adamdardyń jalaqysy qandaı?

Finprom.kz aqparattyq agenttiginiń habarlaýynsha, elimizde 162 adam jalpy baılyqtyń jartysyna ıe. Halyqtyń 96,6 proentiniń tabysy jylyna 10 myń dollardan aspaıdy. Elimizdegi 326 myń adam bir jylda 10 myń dollardan bastap 100 myń dollarǵa deıin aqsha tabady. Qazaqstandaǵy 42 myń adamnyń tabysy 100 myńnan bir mıllıon dollarǵa deıin jetedi.

Sonymen qatar elimizde jyldyq tabysy 50 mıllıon dollarǵa deıin jetetin turǵyndar bar. Bul reıtıngte erekshe atap ótetin aqparat, Qazaqstandaǵy 162 adam jalpy baılyqtyń 55 proentine ıe. Onyń ishinde 112 adam jylyna 50-den 80 mıllıonǵa deıin, 45 adam - 80-nen 800 mıllıonǵa deıin jáne bes adam ekiden úsh mıllıard dollarǵa deıin tabys tabady. 2019 jyldyń ekinshi toqsanyndaǵy aqparat boıynsha, halyqtyń ortasha tabysy 169 myń 500 teńgeni qurady. Bul ótken jylmen salystyrǵanda, 10 proentke artyq. Al aımaqtarǵa jiktesek, eń kóp jalaqy Almaty qalasynda. Ondaǵy aılyq 234 myń teńgeden asady.

Jalaqysy joǵary óńirlerdiń qatarynda bas qalamyz da bar. Elordalyqtardyń ortasha aılyǵy – 226 myń teńge. Qaraǵandy oblysy úzdik úshtikti túıindeıdi. Ondaǵy halyqtyń ortasha tabysy – 199 myń teńge. Bul tizimge Mańǵystaý jáne Shyǵys Qazaqstan oblystary kirdi. Al elimizdiń segiz óńirdegi halyqtyń tabysy ortasha respýblıkalyq esepten tómen. Jalaqysy az aımaqtar qatarynda Túrkistan (100,4 myń), Jambyl (128,1 myń) jáne Qyzylorda (137,7 myń) oblystary.

Sońǵy jańalyqtar