7 Qazan, 10:47 241 0 Ekonomıka Anar LEPESOVA

«FlyArystan» reısteriniń sany 3 ese artady

2020 jyly «FlyArystan» áýe kompanııasynyń reıster sany 28-den 80-ge deıin artady. Bul týraly búgingi Úkimet otyrysynda Asqar Mamın aıtty. 

«Búgingi tańda avıaııa salasynda jolaýshylar tasymalynyń artyp kele jatqany baıqalady. Sala úshin kadr sapasyn jaqsartý, áýe kemeleri men qyzmet kórsetý sapasyn standarttarǵa sáıkes keltirý boıynsha jumys únemi júrgizilýde. Qazirgi ýaqytta «Air Astana», «Qazaq Air» áýe kompanııalary ushý baǵyttaryn qarqyndy damytyp, baǵalar saıasaty boıynsha naqty jumys júrgizilip jatyr. Bıýdjettik «FlyArystan» áýe kompanııasynyń tarıfteri Eýropanyń bıýdjetti kompanııalarymen salystyrǵanda ortasha eseppen 4 esege deıin tómen. Kelesi jyly «FlyArystan» kompanııasynyń reıster sany 28-den 80-ge deıin artady. Ushý baǵyttary aıtarlyqtaı keńeıtiledi», - dedi A.Mamın  Úkimet otyrysynda.

Onyń aıtýynsha, jalpy otandyq áýe kompanııalarynyń bári de baǵalar saıasaty men qyzmet kórsetý sapasyn arttyrý boıynsha jumysty jalǵastyrady.

«Osy rette, sizderdiń nazarlaryńyzdy birqatar máselelerge aýdarǵym keledi. Birinshiden, «Ult josparynyń» 73-shi qadamyna sáıkes, 9 álemdik qarjy ortalyǵymen turaqty áýe qatynasy ornatyldy. Indýstrııa jáne ınfraqurylymdyq damý, Ulttyq ekonomıka, Syrtqy ister mınıstrlikteri «Astana» HQO-men birlesip, 2020 jyly Shanhaı men Sıngapýrǵa reıs ashý boıynsha jumysty jalǵastyrýdy tapsyramyn», - dedi ol.

Sonymen birge, Premer-Mınıstr Nıý-Iorkke ushý úshin otandyq áýe kompanııalardy akkredıtteý rásimin aıaqtaýdy tapsyrdy. «Ekinshiden, Indýstrııa jáne ınfraqurylymdyq damý mınıstrligi múddeli memlekettik organdarmen birlesip, bıylǵy jyldyń sońyna deıin Qostanaı jáne Balqash qalasyndaǵy ushyp-qoný jolaǵyn qaıta jóndeýdi aıaqtaýdy tapsyrdy. Qazirgi tańda sheteldik ınvestorlardyń qatysýymen «Túrkistan» halyqaralyq áýejaıynyń qurylysy júrgizilýde. Osy nysandy belgilengen merzimde – kelesi jyly aıaqtaý kerek», - dedi Asqar Mamın.

 

Sońǵy jańalyqtar