7 Qazan, 10:36 241 0 Áleýmet Anar LEPESOVA

Az qamtylǵan otbasylarǵa jańa kómek túrleri engizilmek

Memlekettik ataýly áleýmettik kómek týraly zańǵa tabysy az otbasyndaǵy balalarǵa kepildi áleýmettik toptama engizilmek. Bul týraly  Úkimet otyrysynda QR Eńbek jáne halyqty áleýmettik qorǵaý mınıstri Birjan Nurymbetov málimdedi.

«Memlekettik ataýly áleýmettik kómek týraly zańǵa tabysy az otbasyndaǵy balalarǵa kepildi áleýmettik toptamany engizýmen keńeıtý usynylady. Mektepke deıingi jastaǵy balalar tamaqpen, gıgıenalyq quraldarmen jáne bilim berý qyzmetterimen qamtamasyz etiletin bolady», - dedi mınıstr.

Onyń atap ótýinshe, oqýshy balalar úshin mektepte tegin ystyq tamaqty, kúndelikti mektepke baryp-kelý tegin jol júrýdi, sondaı-aq mektep formasy men oqý quraldaryn alýdy memleket esebinen berý kózdeledi.

«Osylaısha ataýly áleýmettik kómektiń qoldanystaǵy tetigi túzetiletin bolady. Eger kópbalaly otbasy jańa járdemaqyny ala otyryp, az qamtylǵan otbasy mártebesinde qala beretin bolsa, usynylyp otyrǵan zań jobasyna sáıkes, bul januıaǵa ataýly áleýmettik kómek pen balalaryna kepildi áleýmettik toptamany qamtıtyn kómek taǵaıyndalady», - dedi B.Nurymbetov

 

Sońǵy jańalyqtar