4 Qazan, 21:11 290 0 Sport Anar LEPESOVA

Ádilbek Jaqsybekov: Ádiletsiz tóreshiler men fýtbolshylar fýtboldan qýylady

Qazaqstan Fýtbol federaııasynyń prezıdenti Ádilbek Jaqsybekov klýbtar men tóreshilerge úndeý joldap, ádil oıyn prınıpterin qatań saqtaýǵa shaqyrdy, dep habarlaıdy  QFF baspasóz qyzmeti.

Fýtboldan 2019 jylǵy Qazaqstan Premer-lıgasy sheshýshi kezeńge aıaq basty. 28-týrdan keıin týrnır kestesiniń basynda Almatynyń «Qaırat», Qostanaıdyń «Tobyl» jáne Nur-Sultannyń «Astana» komandalary keledi. Sheshýshi matchtardyń qarsańynda QFF basshysy Premer-lıganyń, Birinshi jáne Ekinshi lıganyń klýbtaryn, sondaı-aq tóreshilerdi ádil oıyn (Fair Play) prınıpterin qatań saqtaýǵa shaqyrdy.

«Qoly taza emes komanda basshylary, bapkerler, tóreshiler, tipti fýtbolshylar da, eger bultartpas dálelder tabylsa, fýtboldan qýylady», - dedi Ádilbek Jaqsybekov.

Federaııa prezıdenti resmı saıystarda oıyn nátıjesine tikeleı yqpal etetin qatelikter jibergen birqatar tóreshi uzaq merzimge qyzmetinen shettetilgenin tilge tıek etti.

«Premer-lıganyń, Birinshi jáne Ekinshi lıga birinshilikteriniń sońǵy matchtaryn Tóreshiler komıteti, Ádil oıyn prınıpteriniń saqtalýyn qadaǵalaý komıteti, QFF Ádep komıteti qatań qadaǵalap otyrady», - delingen málimdemede.

 

Sońǵy jańalyqtar