3 Qazan, 16:00 511 0 Sport Dınara MYŃJASARQYZY

Bekzat Sattarhanov týraly fılm kórermenge jol tartty

«Habar» agenttiginiń tapsyrysymen Sıdneı Olımpıadasynyń chempıony marqum Bekzat Sattarhanov týraly kórkem fılm jýyrda, elimizdiń úlken ekrandarynan kórermenge jol tartady, dep habarlaıdy QazAqparat.

Kartınada jasyndaı jarq etken jas ǵumyr – Bekzattyń ómiri men sporttaǵy jetistigi keńinen sýretteledi.Týyndynyń rejısseri - Murat Bıdosov, senarııin Serjan Zakeruly jazǵan. «Bekzat» dramasyn 3 qazannan bastap,ıaǵnı búginnen bastap elimizdiń kınoteatrlarynan tamashalaı alasyzdar . Fılmniń sıýjettik jelisinde Bekzat Sattarhanov ómiriniń úsh kezeńi qamtylady. Balalyq shaǵy, boz bala kezeńi jáne ómiriniń sońǵy sáti. 90 jyldardyń basyndaǵy qıyn-qystaý zamanǵa tap kelgen Bekzattyń balalyǵy kóp qıyndyqtarmen ótedi. Túrkistan qalasyndaǵy temir joldy boılaı ornalasqan shaǵyn aýyldyń qarapaıym tirshiligi bala Bekzattyń kózimen beınelenedi. Onyń armany, namysqoı bitimi ár bir sátte synalyp otyrady. Birde ata-anasy Bekzatty kúreske qatyssyn dep bapkerge aparady. Onda Bekzat óziniń sergektigimen kózge túsedi. Degenmen kúreske qatysqan balanyń boıy óspeı qalady degen túsinikpen ony boksqa aýystyrady. Bapkerimen tanysqan kúnnen bastap, bul sport túrine erekshe zeıini ashylǵan Bekzat - kún saıyn erinbeı jattyǵyp, alǵash ret Túrkistanda ótken saıysta júldeli orynǵa ıe bolady. Boz bala shaǵynda Germanııada ótken týrnırde top jaryp, bapkerler olımpııadaǵa daıarlaý jattyǵýlaryna qabyldaıdy. 1999 jyly Tashkentte ótken búkil Azııa birinshiliginde kúmis júldege ıe bolyp, olımpııada oıyndaryna joldama alady.

Solaı 2000 jyly Sıdneıde tartysty oıyndar ótkizip, altyn medaldyń ıegeri atanady. Fılmniń túsirilim jumystary Túrkistan, Almaty jáne Ystambul qalalarynda ótken. Basty róldi jas akter Samat Ázimqulov somdaıdy. Ol 2006-2007 jyldary kıkbokstan jastar arasynda eki ret Qazaqstan chempıony bolǵan. Sonymen qatar týyndydan Ǵalymbek Ospanov, Murat Jarylqasynov, Maıra Maqulbekova, Dýlyǵa Aqmolda, Qýanysh Muqataı, Baqdaýlet Shaımahan jáne basqa da akterlerdi kóre alasyzdar. 3 qazannan bastap elimizdiń kınoteatrlarynan Bekzat Sattarhanov týraly «Bekzat» kórkem fılmin tamashalaýǵa shaqyramyz.

Sońǵy jańalyqtar