23 Qyrkúıek, 10:23 500 0 Sport Anar LEPESOVA

Álem chempıonaty: Qazaqstandyq boksshylar úshinshi orynnan kórindi

Reseıdiń Ekaterınbýrg qalasynda bokstan 20-álem chempıonaty óz máresine jetti. Qazaqstan komandasy jalpy esep boıynsha alty medalmen úshinshi oryndy qanaǵat tutty. 

Qazaq boksshylarynyń enshisinde bir altyn, bir kúmis jáne tórt qola medal bar.  81 kelidegi Bekzat Nurdáýletov altyn medal ıelense, asa aýyr salmaqtaǵy Qamshybek Qońqabaev kúmis júldege qol jetkizdi. Tórt qola júldeni Sáken Bıbosynov (52 keli), Abylaıhan Júsipov (69 keli), Tursynbaı Qulahmet (75 keli) jáne Vasılıı Levıt (91 keli) enshiledi.

Qazaqstan sapynan 57 kelidegi Qaırat Erálıev pen 63 kelidegi Zákir Safıýllın ǵana júldesi qaldy. Jalpykomandalyq esepte bizdiń qurama úshinshi oryndy ıelendi. Birinshi orynǵa úsh altyn, bir kúmis jáne bir qola jeńip alǵan Ózbekstan quramasy ornalasty. Ekinshi oryndy úsh altyn, bir qola júldesi bar Reseı jeńip aldy. Tórtinshi orynda bir altyn, bir kúmis jáne bir qola ıelengen Kýba komandasy.

Sońǵy jańalyqtar