20 Qyrkúıek, 23:06 495 0 Qoǵam Dınara MYŃJASARQYZY

Ǵalymnyń haty ólmeıdi

Belgili ǵalym, tehnıka ǵylymdarynyń kandıdaty, professor, QR Ulttyq ınjenerlik akademııasy uıymdastyrýshylarynyń biri Berkimbaı Párimbetov kózi tiri bolsa 90 jasqa tolar edi. "Ǵalymnyń haty ólmeıdi" demekshi, artynda mol ǵylymı eńbegi men óshpes izi qalǵan tulǵanyń aty umytylmaq emes.
Elimizdiń qurylys ındýstrııasynda ózindik qoltańbasy bar qoǵam qaıratkeri Berkimbaı Párimbetovtiń 90 jyldyǵyna oraı eki kúndik "Qazazqstandaǵy HHI ǵasyr qurylys ındýstrııasy: Jetistikter men bolashaǵy" atty respýblıkalyq ǵylymı-tájirıbelik konferenııa uıymdastyryldy.
Shara aıasynda 4 ǵylymı bólimniń baıandamalary usynyldy. Oǵan ǵalymdar, jobalyq qurylys kesheniniń mamandary, JOO oqtytýshylary qatysty. Sondaı-aq, Qazaqstannyń Reseıdegi Tótenshe jáne ókiletti elshisi Imanǵalı Tasmaǵambetovtiń qutttyqtaý hatyn oqyp berdi.

«Berkimbaı Párimbetuly – elimizdiń daryndy uldarynyń biri. Óte jas mınıstr boldy. Kezinde Qazaqstan damyp kele jatqanda qurylys salasynyń tuńǵysh mınıstri boldy. Búginde osy salada 130 myń adam jumys isteıdi. Qazaqstanda qurylys jaqsy damyp kele jatyr. Mine, onyń negizi sol kezde qalandy», – dedi «Turan» ýnıversıtetiniń rektory Rahman Alshanov.

Sharaǵa jınalǵandar ǵalymnyń kópke úlgi bolatyn taǵdyry men eńbekteri jaıly sóz qozǵady. Akademık 36 jasynda Qazaqstannyń qurylys materıaldary ónerkásibi mınıstri laýazymyna saılanǵan. Túrli jyldary basshylyq qyzmetter atqarǵan.

«Ókinishke qaraı, ákemiz ómirden erte ketti. Bar bolǵany 67 jasynda baqılyq boldy. Eger balalyq shaǵymdy eske alsam, ákemizdiń bir demalǵanyn kórgen emespiz. Úıge kelse de qolynan gazet túspeıtin. Únemi oqý oqyp, kúni-túni jumys isteıtin. Búgingi konferenııaǵa jastar da qatysyp otyr. Olar bir ǵana dúnıeni túsinse deımin. Eńbek pen tabandylyqtyń arqasynda jetistikke jetýge bolady. Sondyqtan, oqýdan qashanda talmaý qajet», – dedi B. Párimbetovtyń qyzy Roza Párimbetova.

Sońǵy jańalyqtar