20 Qyrkúıek, 15:03 406 0 Jańalyqtar Anar LEPESOVA

Almatydaǵy Kablýkov kóshesine Ábish Kekilbaevtyń aty berildi

Almatydaǵy kósheleriniń birine memleket jáne qoǵam qaıratkeri, jazýshy Ábish Kekilbaevtyń esimi berildi.

Endi burynǵy Kablýkov kóshesi bıyl 80 jasqa tolatyn Ábish Kekilbaevtyń esimin ıelenetin bolady. Kósheniń resmı ashylýynda qala ákimi Baqytjan Saǵyntaev sóz sóıledi.

«Ábish Kekilbaev óziniń balalyq shaǵy men ómiriniń baqytty sátterin Almatyda ótkizdi. Ol óz kezeginde úlken bıikterge jetti. Tuńǵysh Prezıdent-Elbasy Nursultan Nazarbaev aıtqandaı, Ábish Kekilbaev tek Qazaqstanda ǵana emes, basqa da elder arasynda da tanymal uly tulǵa bolǵan. Onyń esimi men shyǵarmashylyǵy qazaqstandyqtardyń júreginde máńgi qalady», - dedi qala basshysy.

Ábish Kekilbaevtyń 80 jyldyǵyna oraı, N. Nazarbaev dańǵyly, 118 meken-jaıynda memorıaldyq taqta ashylady.

Sonymen qatar Abaı atyndaǵy Qazaq memlekettik akademııalyq opera jáne balet teatrynda saltanatty kesh ótedi.

Sońǵy jańalyqtar