20 Qyrkúıek, 10:35 371 0 Sport Anar LEPESOVA

"Astana" VS "Manchester Iýnaıted": El fýtbolyndaǵy tarıhı kezdesý qalaı ótti?

Fýtboldan UEFA Eýropa lıgasy toptyq kezeńinde elordalyq «Astana» alǵashqy týrda syrt alańda Anglııanyń «Manchester Iýnaıted» komandasyna ese jiberdi.

Eki komanda L tobynda synǵa túsedi. Atalmysh topta olardan ózge Serbııanyń «Partızan» jáne Gollandııanyń AZ «Alkmaar» komandalary bar. Keshegi kezdesýde «Manchester Iýnaıted» komandasynda negizinen jastar oınady. Sondyqtan bolar alań ıeleri kóptegen jaǵdaıda múlt jiberip jatty. Dese de alań ıeleri oıyn tizginin óz qolynan shyǵarmaýǵa tyrysty.

Aǵylshyndyq klýb fýtbolshylary qateligin paıdalanýǵa tyrysqan «Astana» fýtbolshylarynyń da qarsylastar qaqpasy mańynda shabýyl uıymdastyrdy. Soǵan qaramastan eki komanda birinshi kezeńde 0:0 esebine qanaǵat bildirdi.

Ekinshi kezeńde «Manchester Iýnaıted» fýtbolshylary tezirek esep ashýǵa umtyldy. Olar elordalyq klýb qaqpasy mańynda jıi boı kórsetti. Keı jaǵdaıda qazaqstandyq qorǵaýshylar sheberlik tanytsa, endigi bir sátte aǵylshyn fýtbolshylary mergendik kórsete alǵan joq. Kezdesý barysynda esep 73-mınýtta ashyldy. Ony alań ıeleri sapynan Maıson Grınvýd oryndady. Kezdesýde «Manchester Iýnaıted» 1:0 esebimen jeńiske jetti.

Sońǵy jańalyqtar