19 Qyrkúıek, 12:37 419 0 Ekonomıka Dınara MYŃJASARQYZY

Qazaqstan 2 mln tonna kómir eksporttaıdy

Elbasy N.Nazarbaevtyń «Nurly jol – bolashaqqa bastar jol» Joldaýyn iske asyrý maqsatynda qabyldanǵan «Nurly jol» ınfraqurylymdy damytýdyń 2015-2019 jyldarǵa arnalǵan memlekettik baǵdarlamasy Almaty, Nur-Sultan, Aqtóbe, Shymkent jáne Óskemen qa­lalaryn zamanaýı ınfraqurylymy bar ulttyq jáne halyqaralyq deńgeıdegi hab-qalalar retinde belgileýmen, eldiń makroaımaqtaryn qalyptastyrý arqyly Qazaqstannyń biryńǵaı ekonomıkalyq naryǵyn qurý jáne eldik kólik ınfra­qu­­rylymyn halyqaralyq kólik júıesine biriktirýdi qamtamasyz etýge baǵyttalǵan.

Iaǵnı, memlekettik baǵdarlama aza­mattar úshin turǵyn úı qol­je­timdiligin jo­­ǵarylatý, kásipkerlik sýbek­tileriniń básekege qabiletin art­tyrý, otandyq mashına qurastyrýdy qol­daý, eksportty qoldaý tárizdi baǵyttaryn iske asyrýǵa jaýap beredi.

Ekonomıkanyń jekelegen sektorla­ryn, óńdeý ónerkásibiniń otandyq eks­port­qa shyǵarýshylardy qoldaý jónindegi sharalardy  iske asyrý jáne basqa is-sharalar  óndiristiń aǵymdaǵy kólemin, qazirgi jumys oryndaryn saqtaýdy, son­daı-aq,  syrtqy naryqta konıýk­tý­ranyń nasharlaýy jaǵdaıynda jańa ju­mys oryndaryn qurýdy qamtamasyz etedi.

Tutas alǵanda, ınfraqurylymdy da­my­tý arqyly  memlekettik ınves­tıııa­lardy  ulǵaıtý jáne kásipkerlikti qoldaý arqyly qysqa merzimde ekonomıkalyq ósimge yqpal etip qana qoımaı, bolashaqta   turaqty órleýge  alǵyshart bolady deýge negiz bar.

Eksport demekshi, bıyl Qazaqstan Qy­taı arqyly jylyna 2 mln tonna kómir eksportqa shyǵarady. QR Indýstrııa jáne ınfraqurylymdyq damý mınıstri Roman Sklıar: «Búginde bul baǵyttaǵy tıimdi jumysty baıqap otyrmyz. Mundaı tájirıbeni jalǵastyrý Jańa Jibek jolyn nyǵaıtyp, damyta túsýge qyzmet etetin bolady. Biz kólik-logıstıkalyq qýatty odan ary damytýǵa, kóliktik áleýetti tolyqqandy paıdalanýǵa nıet­timiz. Bul ózara tıimdi taýar aı­nalymyn arttyrýǵa múmkindik beredi. Buǵan qosa, Memleket basshysynyń sapary aıasynda jylyna 2 mln tonnaǵa jýyq Qazaqstan kómirin Qytaıdyń Lıanıýngan porty arqyly Ońtústik Shyǵys Azııa elderine tasymaldaý týraly aldyn ala ýaǵda­las­tyqqa qol jetkizildi. Sonymen qatar Prezı­denttiń sapary aıasynda avıa­ııalyq izdeý jáne azamattyq kemelerdi qutqarý salasyndaǵy yntymaqtastyq týraly óte mańyzdy úkimetaralyq kelisimge qol qoıyldy», – dedi.  Sonymen qatar, mınıstr Qazaqstan men Qytaıdyń termınaldardy jáne kóliktik ınfra­qu­rylymdardy bir­lesip paıdalanýdyń áleýeti zor ekendigin basa aıtty. Bul baǵyttaǵy eki eldiń yntymaqtastyǵy konteınerlik tasymal­dyń arta túsýine septigin tıgizedi. «Nurly jol» baǵ­dar­la­masyn «Bir jol – bir beldeý» bast­a­masymen túıindestirý josparyn júzege asyrý aıasynda 4 jyldyń ishinde Qytaı-Eýropa-Qytaı baǵdaryndaǵy konteı­­ner­lik tasymal kólemi 15 ese ósti. Bul baǵytta 2014 jyly konteınerlik júk tasymalynyń kólemi 21 myń bolsa, ótken jyldyń qorytyndysynda 310 myń konteınerge jetti. Jyl saıynǵy ósim 50 paıyzdan asyp túsedi», – dedi R.Sklıar.

 

Sońǵy jańalyqtar