19 Qyrkúıek, 10:29 527 0 Saraptama Dınara MYŃJASARQYZY

Júz kúnniń júgi

9 maýsymda ótken kezekten tys Prezıdent saılaýynda halyq senimine ıe bolǵan Qasym-Jomart Toqaevtyń  el tizginin qolyna alǵanyna 100 kún boldy. 

Elimizdiń basqarýshy laýazymdarynda úlken eńbek ótili bar, elimizdiń syrtqy saıasatyn qalyptastyrý kezinde Syrtqy ister mınıstri, Vıe-premer, mınıstr jáne Premer-mınıstr, Senat tóraǵasy qyzmetterin óz bıiginde atqarǵan Qasym-Jomart Kemelulyn kópshilik adal ári jaýapkershiligi mol tulǵa retinde baǵalaıdy. Demek, elimizdiń saıasaty men ekonomıkasy kóz aldynda satylap ós­kenine kýá bolǵan Prezıdenttiń kez kelgen jaýapty mindetti tııanaqty atqaryp, óz isin tyńǵylyqty biletini osydan ańǵarylsa kerek.

Memleket basshysy buǵan deıingi qyzmetinde de halyqtan qashyq bolǵan emes. Óziniń Twitter-degi paraqshasynda kez kelgen máselege qatysty pikirin bildirip, sol iske jaýapty salanyń  baqylaýǵa alýyn qadaǵalap otyratyny burynnan bar. Prezıdent bolsa da, bul baılanysty úzgen joq. Ózi aıtqandaı, áleýmettik jeli memlekettik qyzmetkerlerdi halyq­pen jaqyn etetini anyq.

Arys qalasynda jarylys bolǵan kezde jergilikti jurttyń arasynan tabylýy da kóptiń kóńiline demeý bolǵan. Sondaı-aq, Prezıdent ataýly áleý­met­tik kómek máselesin qaıta qarap, 1 sáýirden bas­tap kópbalaly otbasyndaǵy ár balaǵa 21 myń teńge tóleýdi jáne kóp balaly otbasylar, múgedek balasy barlar, asyraýshysynan aıyrylǵandar men ataýly áleýmettik kómek alatyndar men jetim balalary bar otbasynyń bankten alǵan nesıesi keshirildi.

QR Prezıdenti Q.Toqaev el tiz­gi­nin qolyna alǵaly beri bir­qatar mańyzdy kezdesýler ótkizip, túrli basqosýlarǵa qatysty.

Bylaı qaraǵanda, júz kún Prezı­dent­tiń atqarǵan jumysyna baǵa beretin kóp ýaqyt emes. Alaıda, úsh aı ishinde nedáýir is-qımylǵa jumylarlyq jospar túzildi. Eldiń ekonomıkalyq-saıası baǵyty aı­qyn. Endigide Úkimet, mınıstrler men ákim­der tek qana jumys istep, nátıjesin halyq aldynda kórsetýi tıis. Olar da Prezıdent sııaqty halyqqa bergen ýáde­le­rin mindetti túrde oryndaýǵa bar kúsh-jigerin jumsaýy kerek.

Biz tómende Prezıdenttiń 100 kúnine hronıkalyq sholý jasadyq.

12 maýsym

Qasym-Jomart Toqaevtyń Qazaqstan Respýblıkasynyń Prezıdenti qyzmetine resmı kirisý rásimi ótti.

12 maýsym

Qazaqstan Prezıdenti Qasym-Jomart Toqaev ákimdermen keńes ótkizdi.

13 maýsym

Qasym-Jomart Toqaev QHR Tóraǵasy Sı zınpın, Qyrǵyz Respýblıkasynyń Prezıdenti Sooronbaı Jeenbekov jáne Aýǵanstan Islam Respýblıkasynyń Pre­zı­denti Muhammed Ashraf Ǵanımen kez­desti.

14 maýsym

Qazaqstan Prezıdenti Shanhaı ynty­maq­tastyq uıymyna múshe memleketter bas­shylary keńesiniń otyrysyna qa­tysty.

Qasym-Jomart Toqaev Tájikstan Res­pýblıkasynyń Prezıdenti Emomalı Rah­monmen kezdesti.

15 maýsym 

Qazaqstan Prezıdenti Qasym-Jomart Toqaev Qatar Ámiri Tamım ben Hamad Ál Tanımen kezdesti.

15 maýsym 

Qazaqstan Prezıdenti Azııadaǵy ózara is-qımyl jáne senim sharalary jónindegi keńestiń V sammıtine qatysty.

19 maýsym

Qazaqstan Prezıdenti – Qazaqstan Qarýly Kúshteriniń Joǵarǵy Bas qol­bas­shysy V «Aıbyn» respýblıkalyq áskerı-patrıottyq jastar jıynynyń ashy­lýy­na qatysty.

21 maýsym 

«Qazaqstannyń Tuńǵysh Prezıdenti – «Ke­meń­gerliktiń 30 jyly» atty halyq­aralyq ǵylymı-tájirıbelik konfe­ren­ııaǵa qatysty.

24 maýsym 

Qazaqstan Prezıdenti Qasym-Jomart Toqaevtyń tóraǵalyǵymen halyqty áleý­mettik qorǵaý máseleleri jóninde keńes ótti.

25 maýsym

Qasym-Jomart Toqaev Arys qala­syn­daǵy evakýaııalyq pýnktke bardy.

26 maýsym 

Memleket basshysy buqaralyq aq­parat quraldary salasyndaǵy syılyqtar men granttar tapsyrdy.

4 shilde

Qasym-Jomart Toqaev Sheteldik ın­ves­torlar keńesiniń 32-plenarlyq oty­ry­syna qatysty.

6 shilde

Memleket basshysy jańa «Jekpe-Jek» saraıyna bardy.

7 shilde 

Qasym-Jomart Toqaev Ulttyq dom­byra kúnine arnalǵan konertke bar­dy.

15 shilde

Memleket basshysy Qasym-Jomart Toqaev Úkimettiń keńeıtilgen otyrysyn ótkizdi.

15 shilde

Qazaqstan Prezıdenti ákimdermen ke­ńes ótkizdi.

 7 tamyz

Mem­leket basshysy QR Prezıdentiniń hokkeıden 10-shy mereıtoılyq kýbo­gy­nyń ashylý sal­ta­na­tyna qatysty.

13 tamyz 

Memleket basshysy ekonomıkalyq má­seleler boıynsha keńes ótkizdi.

16 tamyz 

Memleket basshysy Tamyz konfe­ren­ııasyna qatysty.

21 tamyz 

Memleket basshysy Ortalyq Azııa mem­­l­eketteriniń syrtqy ister mı­nıs­tr­lerimen kezdesti.

23 tamyz 

Qasym-Jomart Toqaev Qaraǵandyda elimizdiń ındýstrııalyq-ınnovaııalyq damýy jóninde keńes ótkizdi.

24 tamyz

Memleket basshysy «Ulytaý 2019» ha­lyq­aralyq týrıstik forýmynyń ju­mysyna qatysty.

27 tamyz

Qasym-Jomart Toqaev bıýdjettik jos­­parlaý máseleleri jóninde keńes ótkizdi.

29 tamyz

Qazaqstan Prezıdenti «Iadrolyq qa­rýsyz álem jáne jahandyq qaýipsizdik úshin Nazarbaev syılyǵyn» tapsyrý rási­mine qatysty.

2 qyrkúıek  

Memleket basshysy Qasym-Jomart To­­­­qaev Qazaqstan halqyna Joldaýyn jarııalady.

3 qyrkúıek 

Qazaqstan Prezıdenti on memlekettiń elshilerinen senim gramotalaryn qabyl­dady.

4 qyrkúıek

Memleket basshysy Azııa qalam­ger­leriniń I forýmyna qatysty.

5 qyrkúıek 

Memleket basshysy munaı-gaz salasyn damytý máseleleri jóninde keńeıtilgen keńes ótkizdi.

5 qyrkúıek

Memleket basshysy Qazaqstan munaı-gaz salasynyń 120 jyldyǵyna arnalǵan saltanatty jıynǵa qatysty.

6 qyrkúıek 

Memleket basshysy Ulttyq qoǵamdyq senim keńesiniń alǵashqy otyrysynyń jumysyna qatysty.

6 qyrkúıek 

Qazaqstan Prezıdenti Arys qala­syn­da bolǵan tótenshe jaǵdaı kezinde erekshe kózge túsken azamattardy marapattady.

11 qyrkúıek

Qazaqstan Prezıdenti Qasym-Jomart Toqaev QHR-na jasaǵan sapar barysynda QHR  Tóraǵasy Sı zınpınmen kelis­sóz­der júrgizdi.

 17 qyrkúıek

Memleket basshysy aýyldy jáne agroónerkásip keshenin damytý máseleleri jóninde keńes ótkizdi.

Sońǵy jańalyqtar