18 Qyrkúıek, 17:16 449 0 Densaýlyq Anar LEPESOVA

Túrkistanda «Densaýlyq festıvali – 2019» sharasy ótti

 Túrkistan qalasynda «Densaýlyq festıvali – 2019» aýqymdy is-sharasy ótti.

Osymen 20-márte uıymdastyrylǵan festıval «Densaýlyq sandaryna jet!» uranymen 10 myńǵa jýyq qala turǵyndary jáne mekeme-uıym qyzmetkerleriniń jappaı qatysýymen tańǵy jattyǵý jasaýdan bastaldy. Sondaı-aq, qaladaǵy «Parasat» saıabaǵynan «Arbat» demalys aımaǵyna deıin velosherý uıymdastyryldy.

Is-sharaǵa qatysqan Túrkistan oblysy ákiminiń orynbasary Saken Qalqamanov pen oblystyq qoǵamdyq densaýlyq basqarmasynyń basshysy Muqan Egizbaev «Densaýlyq» qalashyǵyndaǵy dárigerlerdiń jumysymen tanysty. Festıval aıasynda Qazaqstan halqy assambleıasynyń uıymdastyrýymen oblystyq etnomádenı birlestikterdiń «Qazaqtaný» jobasy –  «Qazaq dastarhany» ulttyq taǵamdar kórmesinde 9 etnomádenı birlestik qazaqtyń umyt bolǵan ulttyq  taǵamdaryn nazarǵa usyndy. Sonymen qatar mádenı-sporttyq baǵdarlamalar uıymdastyrylyp, jıynǵa kelgen jurt túrli etnos ókilderiniń ulttyq taǵamdarynan dám tatty.

Aýqymdy shara aıasynda bilikti dárigerler men medıınalyq saqtandyrý qorynyń ókilderi densaýlyq qalashyǵynda 500-ge jýyq azamatty qabyldady. Keleńsiz jaǵdaı oryn alǵanda jedel járdem kelgenshe alǵashqy medıınalyq kómek túrin kórsetýdi qarapaıym halyqqa úıretý úshin arnaıy sabaqtar ótti. Oblystyq salaýatty ómir saltyn qalyptastyrý ortalyǵynyń mamandary árbir turǵyndy densaýlyǵyna jaýapkershilikpen qarap, salaýatty, belsendi ómir saltyn ustanýǵa shaqyrdy. «Arbat» demalys aımaǵynda uıymdastyrylǵan shara konerttik baǵdarlamaǵa ulasty.

Sońǵy jańalyqtar