18 Qyrkúıek, 16:09 437 0 Ekonomıka Anar LEPESOVA

Ótken jyldyń salyǵyn ýaqtyly tólemegenderdi ne kútip tur?

Áleýmettik jelilerde ótken jyldyń salyǵyn tólemegenderge 20 myń teńge aıyppul salynady degen habar jeldeı esti. Osy aqparatqa qatysty Memlekettik kiris komıteti túsinikteme berdi.

Sońǵy kezderi áleýmettik jeliler men messendjerler arqyly ótken salyqtyq kezeńder úshin bereshegi bar azamattar boryshyn osy jyldyń 1 qazanyna deıin ótemese, olarǵa 8 AEK (shamamen 20 000 teńge) kóleminde aıyppul salynatyny týraly habarlamaǵa taraǵan.

Alaıda qarjy mınıstrliginiń memlekettik kirister komıteti bul aqparatty joqqa shyǵardy.

"Jeke tulǵalar bıýdjetke jer jáne múlik salyqtaryn ótken jyl úshin osy jyldyń 1 qazanyna deıin tóleýi tıis. Kólik salyǵy osy jyl úshin 31 jeltoqsanǵa deıin óteledi.

Qoldanystaǵy QR salyq zańnamasynda aıyppul esepteý sharalary kórsetilmegen. Tek salyqty ýaqytyly tólemegen jaǵdaıda ótkizilgen ár kúnge ósimpul esepteledi", – delingen memlekettik kirister komıteti baspasóz qyzmetiniń habarlamasynda.

Sonymen qatar, vedomstvo osy jyldyń sońyna deıin jeke tulǵalarǵa arnalǵan salyqtyq raqymshylyq proesi júrip jatqanyn atap ótti.

Onyń erejesine sáıkes, jeke tulǵa beresheginiń negizgi somasyn ótegen jaǵdaıda ósimpul avtomatty túrde joıylady.

Sońǵy jańalyqtar