18 Qyrkúıek, 14:35 519 0 Rýhanııat Anar LEPESOVA

Oljas Súleımenov Elbasyn medalmen marapattady

Qazaq ulttyq óner ýnıversıtetinde «Nevada-Semeı» antııadrolyq qozǵalysynyń 30 jyldyǵyna arnalǵan ǵylymı-praktıkalyq konferenııa ótti. Konferenııada «Nevada-Semeı» antııadrolyq qozǵalysynyń kóshbasshysy Oljas Súleımenov búgingi quttyqtaýy men ıadrolyq synaqty toqtatýǵa qosqan eńbegine rızashylyq retinde Elbasy N.Nazarbaevty qozǵalystyń 30 jyldyǵyna arnap shyǵarylǵan mereıtoılyq medalimen marapattady.

«Konferenııanyń ashylýynda sóz alǵan Mádenıet jáne sport mınıstri Aqtoty Raıymqulova jınalǵandarǵa Qazaqstannyń Tuńǵysh Prezıdenti – Elbasy Nursultan Nazarbaevtyń quttyqtaý hatyn oqyp berdi. Aqyn, «Nevada-Semeı» antııadrolyq qozǵalysynyń kóshbasshysy Oljas Súleımenov búgingi quttyqtaýy men ıadrolyq synaqty toqtatýǵa qosqan eńbegine rızashylyq retinde Elbasy N.Nazarbaevty qozǵalystyń 30 jyldyǵyna arnap shyǵarylǵan mereıtoılyq medalimen marapattady. Sondaı-aq mereıtoılyq medal Mádenıet jáne sport mınıstrine de tapsyryldy», - delingen QR Mádenıet jáne sport mınıstrligi taratqan aqparatta.

Jıyn barysynda Aqtoty Raıymqulova búgingi shara – qozǵalystyń saltanatty mereıtoıy ǵana emes, qazaqstandyq qoǵam men barsha adamzattyń beıbitshilik pen taza ǵalamshar úshin kúresiniń mańyzdy kezeńi ekendigin basa aıtqan. «Nevada-Semeı» halyqaralyq antııadrolyq qozǵalysy belsendileriniń, qoǵamnyń arqasynda 1989 jylǵa josparlanǵan 18 ıadrolyq synaqtyń 11-i júzege aspady. Osyndaı kúsh-jiger men batyl qadamdaryńyzben sizder ǵalamdyq sanany ózgertýge úles qosyp, beıbitsúıgishtik ıdeıanyń mańyzdylyǵyn is júzinde dáleldedińizder», - dedi mınıstr.

Konferenııa jumysyna Japonııanyń Qazaqstandaǵy elshisi Taýhıko Kasaı, halyqaralyq qozǵalys músheleri, Nobel syılyǵynyń laýreattary qatysty.

Aıta keterligi, Qazaq jerinde 1949 jyldan bastap 40 jylǵa jýyq ýaqyt ıadrolyq synaq júrgizildi. 450-deı synaqtyń saldarynan radıaııalyq sáýleniń kúshti dozasyn alǵan polıgon mańyndaǵy aýyl turǵyndary onyń zardabyn áli kúnge tartyp keledi. O.Súleımenov 1989 jyly ıadrolyq synaqqa qarsy «Nevada-Semeı» qozǵalysyn qurý týraly úndeý tastady. Araǵa 2 jyl salyp, Prezıdent N. Nazarbaevtyń Jarlyǵymen polıgon tolyqtaı jabyldy. Keıinnen 29 tamyz – halyqaralyq ıadrolyq qarýǵa qarsy kúres kúni bolyp bekitildi.

 

Sońǵy jańalyqtar