17 Qyrkúıek, 15:56 420 0 Áleýmet Anar LEPESOVA

Elordalyq qarttarǵa merekege oraı bir rettik tólem beriledi

1 qazan kúni Qazaqstanda Qarttar kúni merekesi atalyp ótedi. Atalmysh kúnge oraı jyl saıyn jasy boıynsha zeınetke shyqqan elordalyqtarǵa ákimdik bir rettik aqshalaı tólem beredi. Bıylǵy jyly bul somma 6313 teńgeni qurap otyr. Bul týraly qalalyq ákimdiktiń saıtynda habarlandy. 

«Nur-sultan qalasynyń Jumyspen qamtý jáne áleýmettik qorǵaý basqarmasy 25 qyrkúıekten bastap 1 qazanǵa deıin 2,5 aılyq eseptik kórsetkish – 6313 teńge kóleminde tólem tóleıdi. Atalǵan tólem jasyna baılanysty zeınetkerlerge (zeınetaqy jasy áıelder úshin – 58 jas, erler úshin – 63 jyl) eseptelgen. Buǵan deıin bul kómek eń tómen mólsherdegi zeınetaqy alýshylarǵa 30 tamyz QR Konstıtýııasy kúnine oraı kórsetilgen bolatyn», - delingen aqparatta.

Basqarma qyzmet etý týraly kelisimshartqa turǵan kelesi bankterde shottary bar zeınetkerlerge ǵana atalmysh tólemdi kedergisiz jibere alady. Olardyń qatarynda: Alfa Bank, ATF Bank, entrkredıt banki, Eýrazııalyq bank, Jýsan Bank (esnabank), Halyk Bank, Nurbank, Sberbank, ForteBank  jáne Qazposhta bar. Basqa bankte shottary bar azamattar atalǵan bankterdiń birinen shot ashýy kerek.

Sońǵy jańalyqtar