17 Qyrkúıek, 15:19 415 0 Jahan Anar LEPESOVA

Pýtın munaı alpaýyttaryn Quran sózinen sabaq alýǵa shaqyrdy

Reseı basshysy Vladımır Pýtın Saýd Arabııasyndaǵy munaı nysandaryna jasalǵan shabýyl týraly suraqqa Quran sózimen jaýap berdi.

"Túrkııada júrgende men qasıetti Qurannyń "Allanyń meıirimdiligin esińe al. Bir kezde jaý boldyń, Alla seniń júrekterińdi tatýlastyryp, baýyr qyldy" degen joldardy eske túsirmeý múmkin emes. Menińshe, biz osydan bastaýymyz kerek", - dedi ol Túrkııa prezıdenti Taıyp Erdoǵanmen jáne Iran prezıdenti Hasan Rýhanımen kezdesýden keıin.

Reseı basshysy sammıtte Saýd Arabııasynyń munaı óńdeý zaýyttaryna jasalǵan shabýyl talqylanbaǵanyn atap ótti, biraq Reseıdiń bul máseledegi ustanymy belgili. Onyń aıtýynsha, bul daǵdarysty sheshýdiń eń jaqsy tásili - bul janjalǵa qatysqan barlyq taraptardyń kelisimi.

14 qyrkúıek kúni tańerteń Saýd Arabııasynyń ulttyq munaı kompanııasynyń aýmaǵynda órt boldy. Resmı aqparatqa sáıkes, órt adamsyz ushý apparattarynyń shabýyly nátıjesinde bastalǵan. Shabýyl úshin jaýapkershilikti hýsıttik ıemendik kóterilisshiler óz moınyna aldy.

Keıinirek Amerıka Qurama Shtaty Irandy "álemdik qýat kózderine shabýyl jasady" dep aıyptap, álemdik qaýymdastyqty agressııany aıyptaýǵa jáne Irandy jaýapkershilikke tartý úshin barlyǵyn jasaýǵa shaqyrdy. AQSh senatory Lındsı Grem Irannyń munaı óńdeý zaýyttaryna shabýyl jasaýdy usyndy.

Sońǵy jańalyqtar