17 Qyrkúıek, 11:30 412 0 Jahan Anar LEPESOVA

Ózbekstanda marqumdardyń árýaǵyna arnap as berýge tyıym salyndy

Ózbekstanda 2020 jyldyń 1 qańtarynan bastap parlament qabyldaǵan «Úılený, otbasylyq toılardy jáne eske alý sharalaryn ótkizý tártibi jónindegi» qaýlysy kúshine enedi, dep habarlaıdy Ortalyq Azııanyń jańalyqtar qyzmeti.

Ondaǵy tártipke sáıkes, saltanatty shara tańǵy saǵat 6-dan keshki 11 arasynda ótýi tıis. Biraq munyń marqumdy sońǵy saparǵa shyǵaryp salý sharasyna qatysy bolmaıdy. Budan bólek jergilikti ákimder, máslıhat depýtattary toı ótkizý ýaqytyna ózgeris engize alady.

Qujatta otbasylyq sharaǵa 200-den artyq adamdy jınamaýǵa keńes bergen. Úılený toıyna shaqyrý 250 adamnan aspaýy tıis, al aspazdyq sharalarǵa 300-ge deıin adam shaqyrýǵa bolady.

Toı uıymdastyrýshylar shara ótkizetinin bir apta buryn jergilikti bılikke eskertýi qajet.

Sonymen birge qaýlyǵa sáıkes, ulttyq dástúrge qaıshy keletin shoýlardy ótkizýge tyıym salynady. Munan bólek adam o dúnıelik bolǵan kezde ótkizetin jetisi, beısenbilik namaz, qyryq, júz kún jáne jyldyq asy degen sekildi eske alý sharalaryna tyıym salynǵan.

Sońǵy jańalyqtar