17 Qyrkúıek, 10:07 426 0 Saıasat Anar LEPESOVA

Ermuhamet Ertisbaev: Bizge Áblıazovtiń ekstremızmi kerek emes

Muhtar Ablıazov qurǵan «Qazaqstannyń demokratııalyq tańdaýy» qozǵalysynyń qozǵaýshy kúshi joq. 13 qyrkúıekte qashqyn bankırmen pikirtalasqa túsken Ermuhamet Ertisbaev «Lıter» gazetinde jaryq kórgen maqalasynda osyndaı pikir bildirdi. Memlekettik bılik ókilderiniń alaıaqpen baılanyspaǵanyń durys degen eskertýlerine qaramastan, Áblıazovpen pikir jarystyrǵan Ertisbaev bul áreketi arqyly ınternet pen narazylyqtar arasyndaǵy sebep-saldarlyq baılanys máselesine qoǵam nazaryn aýdarýdy kózdegen.

«Qandaı áleýmettik toptar Áblıazovtyń qozǵaýshy kúshi bolyp otyr? Zaýyttar men óndirister me? Joq. Muǵalimder men stýdentter? Joq. Muǵalimder, dárigerler, qyzmet kórsetý salasynyń mamandary ma? Joq. Shaǵyn jáne orta kásip ıegerleri me? Joq {.....}», - degen Ertisbaev Áblıazovtyń halyq týraly jıi aıtatyndyǵyn, degenmen halyqtyń ózi abstraktili túsinik ekenin alǵa tartty. Iaǵnı halyq belgili bir áleýmettik toptardan, aty-jóni bar tiri adamdardan turady. «Demokratııa – bul azshylyqtyń quqyǵyn syılaıtyn kópshiliktiń bıligi. Ruqsat etilgen sherýler ótkizýde bılik pen qoǵam azshylyqtyń quqyǵyn qurmetteıdi, biraq azshylyq ta kópshiliktiń quqyǵyn qurmetteýi tıis», – deıdi Ermuhamet Ertisbaev.

Ol elde ruqsat etilmegen sherýler óter aldynda óziniń bar tanys-bilisteri, dostary óz balalaryna «mynadaı kúni mynadaı ýaqytta kóshege shyǵýshy bolma» dep aıtatyndyǵyn alǵa tartady. «Sondaı sherýler ótken kúni turǵyndardan qanshama shaǵym túsedi, álbette terezeniń aldynda yǵy-jyǵy, shý, polıııa kólikteriniń dabyly. Mundaı kúnderi kóbi josparlaryn keıinge ysyra turyp, qaladan shyǵyp ketýge tyrysady», – degen Ertisbaev endi ruqsat etilgen sherýden tek habar berip qana sherýge shyǵý degenniń oıǵa qonbaıtynyn aıtady. Biraq onyń pikirinshe Ablıazov «toty qus qusap bir sózi qaıtalaı berýden jalyǵar emes: Qazaqstanda erkindik, demokratııa joq, adamdardy bos plakat úshin de temirtorǵa toǵytyp jatyr». «Qashqyn bankırdiń bul bazynasy áleýmettik jelide buqaranyń nazaryn aýdarýǵa áreket etýde», - deıdi Ertisbaev suhbat barysynda.

Sońǵy jańalyqtar