16 Qyrkúıek, 14:48 482 0 Rýhanııat Anar LEPESOVA

Tuńǵyshbaı Jamanqulov: Basyma is túskende áriptesterim qasymnan tabylmady

QR Halyq ártisi Tuńǵyshbaı Jamanqulov basyna is túsken kezin esine aldy.  "Qaraqatpen shaı" baǵdarlamasyna qonaq bolǵan akter ózi úshin asa qıyn ári aýyr bolǵan sátinde ónerdegi áriptesterinen qoldaý bolmaǵanyn qynjylyspen jetkizdi. 

Jamanqulov basyna is túskende qasynan tek et-jaqyndary ǵana tabylǵanyn aıtyp, kezinde aǵasy retinde syılasyp júrgen birqatar azamattyń ózinen teris aınalǵanyn jetkizdi.

"Meniń janymdy aýyrtatyn suraq osy. Qasymnan kelinshegim men shákirtterim tabyldy.

Al áriptesterim tabylmady. Aǵa dep arqa tutyp júrgen múıizi qaraǵaıdaı kókelerim tabylmady. Talaı esikti qaǵyp, bosaǵadan kirip, úlken qyzmetterde otyrǵan baýyrlary bar, solarmen tanys kókelerim "bularyń ne?" demedi. Endi aǵa deıtin aǵa qalmady. Ózimiz de aqsaqal bolyp qaldyq.Aqsaqal bolyp, arasha túsetin, ortadan oıly sóz tastaıtyn, arqadan qaǵyp, keri ketip bara jatsań "qoı" deıtin, joǵarydaǵylar sen týraly teris pıǵyl aıtyp jatqanda "olaı emes" dep aıtatyn, ashýdy basatyn aǵa bolmady ónerde" , - deıdi akter.

Sońǵy jańalyqtar