16 Qyrkúıek, 11:21 451 0 Ekonomıka Anar LEPESOVA

8 aıda qazaqstandyqtarǵa 1,5 trln teńge kóleminde zeınetaqy tólendi

Jyl basynan respýblıkalyq bıýdjetten bazalyq zeınetaqy tóleýge shamamen 470 mlrd teńge, yntymaqty zeınetaqy tólemderine 1 trln 30 mlrd teńgege jýyq qarajat baǵyttalǵan. Bul týraly Eńbek jáne halyqty áleýmettik qorǵaý mınıstrliginiń baspasóz qyzmeti habarlady. 

2019 jylǵy 1 qyrkúıektegi jaǵdaı boıynsha bazalyq zeınetaqy tólemderin alýshylar 2 mln 171 myń 200 adam, yntymaqty zeınetaqy tólemderin shamamen 2 mln 190 myń 100 adam alady.

Zeınetaqy tólemderiniń ortasha mólsheri 2019 jylǵy 1 qyrkúıekte 85 myń 679 teńgeni qurady. Bul aldyńǵy jylǵy kezeńmen salystyrǵanda 5,5%-ǵa joǵary.

8 aıdyń qorytyndysy boıynsha zeınetkerlerdiń sany 2 mıllıon 190 myń adamdy qurady, onyń ishinde 2019 jyly shamamen 43 myń azamat zeınetkerler qataryn tolyqtyrdy.

Sońǵy jańalyqtar