13 Qyrkúıek, 14:46 546 0 Ekonomıka Anar LEPESOVA

Air Astana: Bizdegi baǵa ózgelermen salystyrǵanda aıtarlyqtaı tómen

Air Astana áýe kompanııasy bılet baǵasyn arzandatpaıdy. Kompanııa prezıdenti Pıter Foster ushaq bıletiniń baǵasy eń qymbat emes, tipti, ózgelermen salystyrǵanda aıtarlyqtaı tómen ekenin aıtty, dep habarlaıdy KTK arnasy.

«Alys-jaqyn sheteldiń áýe tasymaldaýshylaryna qaraǵanda, bizdegi baǵa birneshe ese tómen. Uzaqtyǵy 2-2,5 saǵat bolatyn reısterde ortasha tarıf quny – shamamen 45 dollar. Ózge tasymaldaýshylardyń tarıfterimen salystyrǵanda, bul óte tómen baǵa bolyp tabylady», –  deıdi Air Astana áýe kompanııasynyń prezıdenti Pıter Foster.

Sonymen qatar, tasymaldaýshy áýe kerosıniniń baǵasyna da razy. Sondyqtan «Eır Astana» keminde jyl sońyna deıin óziniń baǵa saıasatyn ustanýdy josparlap otyr. Al memleket basshysynyń tapsyrmasyn enshiles loýkosterdiń esebinen oryndaýdy kózdep otyrǵan syńaıly. Búgingi tańda Fly Arystan áýeparkinde nebári eki áýe kemesi bar. Kelesi jyly olardyń sanyn 10-ǵa jetkizýge ýáde etýde. Demek, bıýdjettik reıster sany artady.

Eske sala ketsek, prezıdent Qasym-Jomart Toqaev ulttyq tasymaldaýshy kompanııadaǵy áýe bıletteriniń baǵasynyń qymbattyǵyn synǵa alǵan edi. Memleket basshysy óz Joldaýynda baǵanyń shamamen úsh esege qymbat ekenin aıtyp, úkimetke jaǵdaıǵa aralasýdy tapsyrdy.

Sońǵy jańalyqtar