13 Qyrkúıek, 11:37 494 0 Jahan Anar LEPESOVA

Sergeı Lavrov Sırııadaǵy soǵystyń aıaqtalǵanyn málimdedi

Reseı Syrtqy ister mınıstri Sergeı Lavrov «Trýd» gazetine «Sırııadaǵy soǵys shyn máninde aıaqtalǵanyn» málimdedi.

«Memleket aqyryndap qalypty, beıbit ómirge oralyp keledi. Keıbir qaqtyǵys oshaqtary Sırııa úkimetiniń baqylaýynan tys aımaqtarda ǵana saqtalyp otyr, máselen Idlıb pen Evfrat ózeniniń shyǵys jaǵalaýy», – deıdi mınıstr.

Lavrovtyń aıtýynsha, qazirgi tańda Sırııaǵa gýmanıtarlyq kómek kórsetý jáne osy eldegi uzaqmerzimdi turaqtylyqqa qol jetkizý, daǵdarysty retteý máseleleri kún tártibiniń alǵashqy ornyna shyǵyp otyr.

Mınıstr Reseıdiń sırııalyq tarappen jáne oppozıııalyq kúshtermen turaqty baılanysty úzbeýge úlken mán berip otyrǵanyn jetkizdi.

Eske sala keteıik, Sırııadaǵy qarýly qaqtyǵystar 2011 jyldan beri jalǵasyp keledi. 2015 jyly Bashar Asad Reseıge áskerı kómek kórsetý týraly ótinish jasaǵan. Sol jyldyń 30 qyrkúıeginen bastap reseılik áskerı-áýe kúshteri lańkesterdiń ınfraqurylymdaryn shabýyldaýdy bastady.

2017 jyldyń sońynda «Islam memleketi» lańkestik uıymynyń tize búkkeni jarııalandy. Qazirgi tańda Sırııany qaıta qalpyna keltirý jáne bosqyndardy qaıtarý máselesi qolǵa alynýda.

Sońǵy jańalyqtar