13 Qyrkúıek, 11:38 481 0 Bilim Túrkistan International Political Weekly

Aýyl dep soqqan júregi...

Jýyrda Almaty oblysy, Aqsý aýdanynyń Aqsý aýylyna jýrnalıster úshin press-týr uıymdastyryldy. Uıymdastyrýshylardyń aıtýynsha, negizgi maqsat QR Tuńǵysh Prezıdenti N.Á.Nazarbaevtyń «Rýhanı jańǵyrý» baǵdarlamasyn júzege asyrýda jasalǵan jumystarmen BAQ ókilderin tanystyrý. Sońǵy jyldary aýylǵa qaıyrymdy jandardyń shapaǵaty kóp  tıgen.

 «Týǵan jerge týyńdy tik» degen Elbasymyzdyń bir aýyz sózin ilip áketken aýyldan shyqqan jomart jandar 1964 jyly irgetasy qalanǵan mektepke kúrdeli jóndeý jumystaryn jasap, shalǵaıda qaraýsyz qalǵan bilim ordasynyń ustazdary men balalaryna qýanysh syılady. Mektep ákimshiliginiń aıtýynsha, bilim mekemesiniń jóndeý jumystaryna kásipker, meenat Nurbaev Moldııar muryndyq bolǵan. «Ózim týǵan aýyl, oqyǵan mektebime jasaǵan bul is meniń azamattyq boryshym dep bilemin. Ár qazaq balasy týǵan jeriniń gúldenýine túıir paıdasy tıse, aýyl statýsy bıikteı túsedi», – deıdi meenattyń ózi. Osyǵan deıin jarty ǵasyrlyq tarıhy bar orta mektep birde-bir kúrdeli jóndeý kórmeı, jylý júıesi qırap, tóbeden sý, terezesinen jel gýildep turǵan. Jomart jandardyń arqasynda mekteptiń shatyry, tereze, esik, edeni jańartylyp, kompıýterlik bólme qaıta jabdyqtaldy. Sondaı-aq, mektep ákimshiligine kólik syıǵa berildi. Aýyl turǵyny Bıken Baıetova: «Bul – Keńes zamanynda salynǵan mektep. Áli san myńdaǵan shákirtterdi tárbıeleıdi, bilim nárimen sýsyndatady degen senimdemin. Qaıyrymdy jandarǵa rahmet aıtýdan jalyqpaımyz», – deıdi. Aqsýlyq kásipkerler aldaǵy ýaqytta mektep janynan sport kompleksin salýdy josparlap otyr.

 

M. Qusaıynov

 

Sońǵy jańalyqtar