13 Qyrkúıek, 10:42 544 0 Qaýipsizdik Dınara MYŃJASARQYZY

54 jastaǵy áıeldi ıt talap óltirdi

Tarazda 54 jastaǵy áıeldi ıt talap óltirdi. Onyń denesiniń túgi qalmaı tistelgen. Alǵan jaraqatynyń aýyr bolǵany sonsha, dárigerler ómirin saqtap qala almady. Kóp qan joǵaltan naýqas aýrýhanada kóz jumdy.

Kúndizgi saǵat bes shamasynda kósheni basyna kótergen áıeldiń jan daýysy estildi. Aýyldastary dereý kómekke shaqyrǵan úıge qaraı tura júgirgen. Sóıtse, aýlada áıel ıtke talanyp jatypty. Ony tóbeles qumar iri pıtbýl tuqymdas ıt qapqan.

«Ana buryshta talap jatty. Sodan súırep, myna jerge alyp keldi. Myna araǵa alyp keldi. Sol kezde lommen urdym» deıdi kýáger.

Biraq basyna temir tıse de, tóbet tynyshtalmaǵan. Janýar 54 jastaǵy kisini súıregen boıda baqshanyń aıaǵyna aparǵan. Sol jerde onyń julma-julmasyn shyǵarypty.

Belgili bolǵany ıtke talanǵan kelinshek bul úıge qonaqqa kelgen. Úı ıesi – onyń jalǵyzbasty týǵan ákpesi. Munda taǵy bir er azamat bolǵan. «Bular jıi bas qosyp ishimdik ishetin» deıdi kórshileri. Olardyń aıtýynsha, qaıǵyly jaǵdaı da sondaı kóńildi otyrystan keıin bolǵan. Mas bolǵan úı ıesiniń sińlisine arasha túsýge shamasy kelmepti. Shaqyrylǵan polıeılerdiń de tóbetti ajyratýǵa júregi daýalamaı turyp qalǵan. Tek keıin qosylǵan tártip saqshysynyń biri kelgen boıda janýarǵa oq jaýdyrypty.

Zardap shekken áıel shuǵyl oblystyq aýrýhanaǵa jetkizilip, jansaqtaý bólimine jatqyzylǵan. Alaıda dárigerler onyń ómirin saqtap qala almady. Olardyń aıtýynsha, alǵan jaraqatynan naýqas 2 lıtrge jýyq qan joǵaltqan. Sonyń saldarynan 54 jastaǵy áıel aýrýhanada kóz jumdy.   Kýágerlerdiń aıtýynsha, adam óltirgen ıt tórt jyl buryn paıda bolypty. Ylǵı bos júretin qabaǵan pıtbýl tuqymy buǵan deıin de eki adamǵa azýyn batyrǵan deıdi. Al qazir osy derekke qatysty sotqa deıingi tergeý júrip jatyr.

Sońǵy jańalyqtar