13 Qyrkúıek, 10:10 473 0 Zań Dınara MYŃJASARQYZY

Bıýdjet bólinisi: Qaı salaǵa qansha qarjy?

Májiliste aldaǵy úsh jylǵa arnalǵan bıýdjet jobasy qaraldy. Jıynǵa qatysýshylardyń synyna ushyraǵany – qazyna qarjysynyń kvazımemlekettik sektor men kúshtik qurylymdarǵa eselep bólinýi. Qaı salaǵa qansha qarjy bólindi? Bıýdjettegi mıllıardtardyń esep-qısaby qandaı?  

Májilis eki mınıstrliktiń baıandamasyn tyńdady. Olar zaldaǵylardy aldaǵy úsh jyl ishinde qaı salaǵa qansha aqsha jumsalaıyn dep otyrǵanynan habardar etti. Mıllıard, trıllıondardy tizbektegen Qarjy vıe-mınıstriniń aıtýynsha, iri holdıngterge aldaǵy jyldary taǵy biraz aqsha qarastyrylǵan.

Qarjy mınıstriniń orynbasary Berik Sholpanqulov: «Báıterek» Ulttyq basqarýshy holdıngine jeńildikti qarjylandyrýǵa jalpy somasy – 194,8 mlrd teńge, onyń ishinde 2020 jyly – 134,8 mlrd teńge shyǵystar kózdelgen. Al «Bıznestiń jol kartasy» baǵdarlamasyna keler jylǵa 146 mlrd teńge bólinedi», – dedi.

Al ekonomıka mamany ári Ulttyq senim keńesiniń múshesi Muhtar Taıjan bul transferttermen kelispeıdi. Onyń aıtýynsha, kvazımemlekettik kompanııalardy jappaı qysqartý kerek. Osy sektordaǵy 500-deı kompanııa «túk bitirip otyrǵan joq» deıdi ol.

Sondaı-aq, M.Taıjan: «KazAgro, Báıterek, Samuryq, Damý, taǵy qandaı, agrarlynesıelik korporaııa degen bar. Eń úlken holdıngter ǵana. Ár holdıngtiń ishinde júzdegen shaǵyn-shaǵyn kompanııalar bar. Olardyń 90 paıyzy – bankrot. Olar tek memlekettiń aqshasyn jep jatyr», – deıdi.

Qarjy mınıstrligi usynǵan myna derekte 2020 jyly Ishki ister mınıstrligi, Qorǵanys mınıstrliginen 60 mıllıardtaı artyq alady. Ol úsh jyl qatarynan ulǵaıyp otyrady. Onyń qasynda arnaıy jasaq túrlerine qarajat jeke bólinedi. Logıkaǵa salsaq, kerisinshe, Qorǵanys mınıstrligi bárinen kóp alýy kerek edi deıdi mamandar. Bıýdjet bólinisiniń osy bir tusy da otyrysqa qatysýshylardyń synyna ushyrady. Degenmen Esep komıtetiniń buǵan jaýaby bar. Kúshtik qurylymdar nemese áskerı salada uzaq merzimdi kelisim-sharttar kóp bolady. «Qarajattyń qubylmalylyǵy sodan», - deıdi. Al kvazımemlekettik sektorǵa qatysty qazir túbegeıli tekserýge kirisken. Esep komıtetiniń tóraıymy Natalıa Godýnova: «Prezıdent Joldaýynda Esep komıtetine Úkimetpen birge kvazımemlekettik sektor sýbektileriniń tıimdiligine saraptama júrgizý jóninde tapsyrma berdi. Bizde úsh aı ýaqyt bar. Úkimetpen birge jumys istep jatyrmyz. Jyldyń sońyna qaraı esepqısabyn shyǵaramyz dep otyrmyz» dedi.

Aldaǵy úsh jylda bıýdjettiń 5 trıllıonǵa jýyq teńgesin osy kvazımemlekettik sektor jutaıyn dep otyr.

Sońǵy jańalyqtar