12 Qyrkúıek, 21:13 465 0 Jańalyqtar Anar LEPESOVA

6 nesıesi bar: Nur-Sultanda kópirge shyǵyp alǵan azamattyń kózdegeni ne?

Áleýmettik jelilerde Esil ózeni boıyndaǵy kópirge shyǵyp alǵan er adamnyń vıdeosy tarady. Nur-Sultan ákimdiginiń mamandary el nazaryn ózine aýdarǵan azamattyń kim ekenin jáne mundaı áreketke ne sebepti barǵanyn aıtty.

Áleýmettik damý bóliminiń basshysy Talǵat Rahmanberdi 1991 jyly týǵan er adamnyń úsh ret qalalyq ákimdikke júgingenin aıtty.

«Búginge deıin qala turǵyny ákimdikke turǵyn úı nemese jer telimin bólýge kómek surap úsh ret júgindi. 9 qyrkúıekte «Eńbek» baǵdarlamasy boıynsha SQO-ǵa jumysqa ornalasýǵa jáne baspana alýǵa kóshý týraly kelisimge kelgen. Alaıda, búgin, 12 qyrkúıekte, azamat qujattarmen kelmegen, al bizdiń kelisim buzylǵan», - dep atap ótti Talǵat Rahmanberdi.

«Buryn biz onyń jaldamaly baspana tólemin jáne keıbir máselelerin sheshken bolatynbyz. Búgingi tańda onyń jalpy quny 1,3 mıllıon teńge bolatyn alty nesıesi bar ekenin bilemiz. Azamat aýyrmaıdy, januıasy, eki balasy bar. turaqty jumys boldy, ol jerden jaǵymsyz sebeptermen shyǵaryldy», - dep tolyqtyrdy ol.

Buǵan deıin belgisiz er adamnyń Esil ózeni boıyndaǵy kópirge shyǵyp alǵan vıdeosyn jarııalaǵan edik.

Sońǵy jańalyqtar