12 Qyrkúıek, 12:10 607 0 Nur Otan Túrkistan Gazeti

"Qoǵam" aptalyǵy (12.09.2019)

Partııa ótinishi boıynsha Joǵarǵy sot ókilderi sotqa júgingenderdi qabyldady

«Nur Otan» partııasynyń ótinishi boıynsha Joǵarǵy sottyń tóraǵasy A. Jaqypovtyń tapsyrmasy men Joǵarǵy sottyń ókilderi Nur-Sultan qalasy men óńirlerden kelgen sotqa júgingenderdi qabyldady.

Partııadan kómek suraı kelgen azamattardyń biri – atyraýlyq Shynybek Qushalıev. Atyraý oblystyq ekonomıkalyq sotynyń sheshimine shaǵymdanyp kelgen azamat 5 mln teńge shyǵynǵa batqanyn aıtady. Onyń sózinshe, atqaminerler jalǵan qujat arqyly azamattan qomaqty qarajat óndirip alypty. Sot sheshimine narazy kásipker 5 jyldan beri istiń aq-qarasyn anyqtap berýdi surap júr. Al Shynybek Qushalıevtiń aryzyn tyńdaǵan joǵarǵy sot ókilderi isti ádil qaraýǵa ýáde berdi.

Respýblıkalyq qoǵamdyq qabyldaý bólimine kelgenderdiń jartysynan astamy alaıaqtyq árekettiń qurbany bolǵandar. Sot ókilderi de elimizde qylmystyń osy túri azaımaı otyrǵanyn rastap otyr.

Aıta keteıik, mamandar bir aı ishinde qylmystyq iske qatysty 40-qa tarta adamnyń ótinishin qabyldaıdy. Sonyń nátıjesinde aıyna 5 adamnyń máselesi oń sheshimin tabýda. Sýdıalar qoǵamdyq qabyldaý alańynda azamattarmen júrgiziletin jumysty ári qaraı jalǵastyratyn bolady.

Al bul joly Joǵarǵy sot ókilderi partııanyń qoǵamdyq qabyldaý alańyna birinshi ret keldi. «Sottyń sheshimimen kelispeýshilik tanytyp, 27 adam «Nur Otan» partııasyna óziniń talaptaryn aıtyp kelgen bolatyn. Osyǵan baılanysty Joǵarǵy sot ókilderin bizdiń alańǵa shaqyryp, qabyldaý  ótkizip, uıymdastyryp jatyrmyz», – dedi «Nur Otan» partııasy respýblıkalyq qoǵamdyq qabyldaý bólmesi meńgerýshisiniń orynbasary Arystanǵalı Sansyzbaev.

Partııa buǵan deıin de azamattardyń aryzyn eskerip, vedomstvo ókilderin qoǵamdyq qabyldaý alańyna jıi shaqyrady. Máselen, Eńbek jáne áleýmettik qorǵaý, Densaýlyq saqtaý jáne Ishki ister mınıstrligi eki aıda bir ret «Nur Otan» partııasynyń alańynda halyqpen kezdesip, olardyń bazynasyn tyńdaıdy.

 

Nazardan tys qalmaıdy

Shymkent qalasynda múmkindigi shekteýli azamattardyń ózekti máseleleri talqylanǵan jıyn ótti. Shara «Nur Otan» partııasynyń «Kedergisiz keleshek» jobasy sheńberinde uıymdastyryldy.

Alqaly jıynǵa «Nur Otan» partııasynyń Shymkent qalalyq fılıaly tóraǵasynyń birinshi orynbasary Bahadyr Narymbetov, qalalyq densaýlyq saqtaý basqarmasy men jumyspen qamtý jáne halyqty áleýmettik qorǵaý basqarmasynyń ókilderi, túrli qoǵamdyq birlestikterdiń jetekshileri men múmkindigi shekteýli azamattar jáne olardyń ata-analary qatysty.

Jıyn barysynda Bahadyr Narymbetov múmkindigi shekteýli jandarǵa erekshe kóńil bólýdiń mańyzdylyǵyn atap ótip, partııa tarapynan osy baǵytta barlyq qoldaý sharalarynyń júrgiziletinine toqtaldy. «Prezıdent Qasym-Jomart Toqaevtyń halyqqa Joldaýynda otbasynda múgedek jandardy asyrap otyrǵan ata-analardyń jaǵdaıyn jaqsartý boıynsha máseleler aıtylǵan. Úkimetke ońaltý ortalyǵyn kóbeıtýge 58 mlrd teńge  qarjy berildi. Bizdiń qoǵam shyn máninde áleýmettik jaǵdaıǵa, ashyqtyq  qoǵamǵa bet burǵanyn kórsetip otyr. Qazirgi tańda statıstıkalyq málimet  boıynsha, elimizde 80 myńnan astam bala múmkindigi shekteýli azamat retinde   tirkelip tur. Shymkent qalasynda múgedektik qatarynda 5920 bala bar. Sol  jandarǵa arnalǵan jańa ońaltý ortalyqtaryn saldyrý qajettiligi týyndap  otyr. Ol jumystardy biz «Nur Otan» partııasy tarapynan baqylaýǵa alamyz. «Kedergisiz keleshek» partııalyq jobasynyń maqsaty da sol múmkindigi  shekteýli jandar men arnaıy kóńil bólýdi talap etetin azamattardy  tolyqqandy ómirge beıimdeý», – dedi ol.

Al «Synaq» múmkindigi shekteýli jandardy ońaltý jáne olardy áleýmettik quqyqtaryn iske asyrýyn qorǵaý qoǵamdyq birlestiginiń tóraǵasy Murat Jetpisbaev múmkindigi shekteýli jandar úshin qoǵamdyq oryndarǵa kedergisiz kirip-shyǵý máselesi boıynsha sóz qozǵady. Ol Shymkent qalasyndaǵy Shymkent Plaza oıyn-saýyq kesheniniń turaǵynyń aqyly ekenin, áýejaıda, avtovokzalda, kóshede, alańdarda múmkindigi shekteýli azamattardy tasıtyn kólikterge turaqtyń tegin bolýy kerek ekenin tilge tıek etti. Atalǵan máselege qatysty Bahadyr Mádáliuly oıyn-saýyq, saýda ortalyǵyndaǵy turaqtardy aqysyz etýdi qalalyq máslıhattyń frakııa múshelerine tapsyratynyn aıtty.

Jıyn sońynda partııalyq jobanyń ózekti máselelerine taldaý júrgizilip, aıtylǵan barlyq usynysty júzege asyrýda qoldaý kórsetiletinin aıtty.

 

Úzdik áleýmettik jobalar

«Úzdik áleýmettik jobalar – 2019» baıqaýynyń Shyǵys Qazaqstan oblysyndaǵy jeńimpazdary anyqtaldy. Aýmaqtyq jáne óńirlik komıssııalar baıqaýdyń oblystyq kezeńine qatysýǵa nıet tanytqan 13 ótinimdi qarap, sonyń ishinde 4 baǵyt boıynsha úzdik jobalar marapattaldy.

Jeńimpazdardy marapattaý rásiminde sóz sóılegen «Nur Otan» partııasynyń Shyǵys Qazaqstan oblystyq fılıaly tóraǵasynyń birinshi orynbasary Ánýarbek Muhtarhanov Qazaqstanda áleýmettik jobalardy júzege asyrýdyń kómegimen ómirdiń qıyndyqtaryna tap bolǵan azamattarǵa, kómekke zárý jandarǵa kómek pen qoldaý kórsetilip jatqanyn aıtty.

«Úzdik áleýmettik jobalar» baıqaýy 2014 jyldan beri «Nur Otan» partııasynyń qoldaýymen júzege asyrylyp keledi. 2018 jyldan bastap baıqaý aıasynda múmkindigi shekteýli jandarǵa arnalǵan jobalar uıymdastyrýǵa basa nazar aýdaryla bastady. Baıqaýdyń negizgi maqsaty –azamattardyń ózderine degen senimdiligin jáne tabysqa jetýge degen ustanymdaryn qalyptastyrý», – dedi Ánýarbek Muhtarhanuly.

Baıqaý qorytyndysy boıynsha «Ómirlik qıyn jaǵdaılardy jeńýge kómek kórsetý» baǵytynda «Ǵajaıyptar eli» ońaltý jáne damytý ortalyǵynyń jetekshisi Lılııa Mambýrova jeńimpaz atandy. Al «Múmkindigi shekteýli adamdardy qosa alǵanda, azamattardy jumyspen qamtýǵa járdemdesý» baǵyty boıynsha «Dármen» áleýmettik-ońaltý ortalyǵy «Zaısan jastary» qoǵamdyq birlestiginiń jetekshisi Jansaıa Mustabekova úzdik dep tanyldy. «Áleýmettik saladaǵy volonterlik qozǵalysty damytý» baǵyty boıynsha «Óskemen – Asar» avtovolonterleri jobasynyń avtory Anna Mazaeva jeńiske jetti. «Teń múmkindikterdi qamtamasyz etý» baǵyty boıynsha «Barlyǵyna qoljetimdi mektep» jobasynyń jetekshisi Irına Lıahovskaıa marapattaldy.

«Múmkindigi shekteýli adamdardy qosa alǵanda, azamattardy jumyspen qamtýǵa járdemdesý» baǵyty boıynsha jobamyzdy uıymdastyrýshy tarap joǵary baǵalap, jeńimpaz dep tanyǵany úshin qýanyshtymyz. Osyndaı baıqaýlar bizdiń jumysymyzǵa tyń serpin beredi, – deıdi «Dármen» áleýmettik-ońaltý ortalyǵy «Zaısan jastary» qoǵamdyq birlestigi jobasynyń avtory Jansaıa Mustabekova. Jeńimpazdarǵa «Nur Otan» partııasynyń Shyǵys Qazaqstan oblystyq fılıalynyń atynan alǵys hattar men baǵaly syılyqtar tabystaldy.

 

Aýyl gúldense dep...

Qostanaı oblysynda «Aýyl – el besigi» memlekettik baǵdarlamasynyń oryndalý barysy talqylandy. Bul jıyn oblys ákimi Arhımed Muhambetovtiń tóraǵalyǵymen ótti.

Jıyn barysynda Ekonomıka jáne bıýdjettik josparlaý basqarmasynyń basshysy Gúlbaram Musaǵazına «Aýyl – el besigi» jobasyn iske asyrý týraly baıandady. «Elbasy «Nur Otan» partııasynyń XVIII sezinde «Aýyl – el besigi» jobasyn iske asyrý týraly aıtqan edi. Jobanyń basty maqsaty – aýyldyq jerlerde ómir súrý sapasyn jaqsartý, aýyldyq okrýgterdiń áleýmettik ortasyn jańǵyrtý. Osy maqsattarǵa 2019 jyly respýblıkalyq bıýdjetten 30 mlrd teńge bólingen bolatyn. Jobany júzege asyrýdyń alǵashqy jylynda iri eldimekenderge basa nazar aýdaryldy. Jobaǵa bes aýdan ortalyǵy qatysady. Atap aıtqanda, óńirdegi 548 aýyldyń ishinde 41 myńnan astam adam turatyn Áýlıekól, Qarasý, Borovskoe, Sarykól jáne Fedorov aýyldary osy tizimge enip otyr», – dedi Gúlbaram Musaǵazına.

Alqaly jıynda belgili bolǵandaı, bıyl joba aıasynda 2,3 mlrd teńgege baǵalanǵan 46 joba júzege asyrylady. Bul – mektepterdi, mektep janyndaǵy ınternattardy, balabaqshalardy, qosymsha bilim berý uıymdaryn, mádenıet úılerin, kitaphanalardy, stadıondardy, aýdandyq aýrýhanalar men emhanalardy kúrdeli jáne aǵymdaǵy jóndeý, sondaı-aq kentishilik joldardy ortasha jóndeý syndy jobalar. Jumystardyń barlyǵyn tamyz aıynan qarasha aıyna deıin aıaqtaý qarastyrylyp otyr. Búginge deıin 15 joba tolyǵymen támamdalǵan. 31 joba boıynsha jóndeý jumystary jalǵasýda.

Selektorlyq otyrysta Sarykól, Qarasý, Meńdiqara aýdandary ákimderiniń atqarylǵan jumys barysy týraly esepteri tyńdaldy. Óńir basshysy Denısov, Qamysty, Qarabalyq, Naýryzym, Altynsarın, Beıimbet Maılın jáne Uzynkól aýdandarynyń ákimderine bir apta ishinde oblystyq Ekonomıka jáne bıýdjettik josparlaý basqarmasyna tıisti nysanaly is-sharalarǵa jáne 2020 jylǵa josparlanǵan jobalarǵa arnalǵan qujattamany ázirlep, tapsyrýdy júktedi.

 

 

Jastar bas qosqan jıyn

«Baldáýren» respýblıkalyq oqý-saýyqtyrý ortalyǵynda «Jastar – Otanga!» respýblıkalyq jastar saıası lageriniń qatysýshylary bas qosty.

Saltanatty sharada «Nur Otan» partııasy Saıası keńesi bıýrosynyń múshesi, Jas Otan Jastar qanatynyń tóraǵasy Dáýlet Káribek sóz sóılep, jastar Prezıdent Qasym-Jomart Toqaevtyń Qazaqstan halqyna arnaǵan «Syndarly qoǵamdyq dıalog – Qazaqstannyń turaqtylyǵy men órkendeýiniń negizi» atty Joldaýyn zor yqylaspen qabyldaǵanyn aıtty. «Elbasy Nursultan Nazarbaev «Senim. Dıalog. Bolashaqqa nyq qadam – «Nur Otan» partııasynyń 7 serpini» atty partııa jumysyn júıeli jańǵyrtý baǵdarlamasynda jastarǵa erekshe kóńil bólgeni bárimizge belgili. Ásirese, partııa tóńiregine jastardy biriktirý úshin sharalar qabyldaýdy tapsyrdy. Bul elimizdiń barlyq jastaryn bir serpiltip, olardyń boıyna jiger syılady. «Jastar – Otanga!» saıası lageriniń negizgi maqsaty – jastar saıası rezervin qurý, belsendi jastardy qoldaý, el keleshegin dáripteý ekenin aıta ketken jón. Lagerdegi áserge toly kúnder jastarǵa jańa kúsh-qýat berip, bolashaqqa qoıǵan maqsattaryn, jobalaryn júzege asyrýǵa múmkindik beredi. Osy oraıda lager jastardyń basyn bir arnaǵa toǵystyryp, bilimin shyńdap, olardyń bir-birimen baılanys ornatýyna sebepker bolyp otyr. Bir sózben aıtqanda, bul alań jańa ıdeıalar men jobalardyń týýyna erekshe jaǵdaı jasaıdy», – dedi Dáýlet Káribek.

Bir aptaǵa sozylatyn shara barysynda jastar bilikti, tájirıbeli bapkerlerdiń dárisin tyńdap, bilimin shyńdaıdy. Saıası menedjment, jobalardy uıymdastyrý sekildi taqyryptarǵa túrli trenıngterge, semınarlarǵa, trend sessııalarǵa, ýorkshoptarǵa qatysady.

«Jastar – Otanga!» respýblıkalyq jastar saıası lageriniń qatysýshylary shara aıasynda tájirıbe almasyp qana qoımaı, taýǵa serýendeý, kınokeshi, alaý janyndaǵy kezdesýler, sporttyq jarystar, zııatkerlik kvest sekildi qyzyqty is-sharalarǵa qatysady. Lager aıasynda «Jas Otan» Jastar qanatynyń Ortalyq keńes otyrysy ótedi. Keńestiń saılanǵan músheleri men óńir tóraǵalary aýyl jastaryna arnalǵan áleýmettik lıft, jergilikti jerlerde jastar memlekettik baǵdarlamalaryn iske asyrý, elimizdiń oqý oryndarynda sybaılas jemqorlyqty joıý tetikteri syndy taqyryptardy talqylaıdy.

 

Nıet bolsa, múmkindik mol

Soltústik Qazaqstan oblysynda «Jas kásipker» pılottyq jobasy boıynsha 600 adam kásipkerlik negizimen tanysýǵa múmkindik aldy. Shara sońynda olar bıznes-jobalaryn qorǵap, ıdeıalaryn ortaǵa saldy. Jobalaryn sátti qorǵaǵan kýrsanttar 200 AEK mólsherinde grant alý úshin ótinish bere alady.

Petropavl qalasynyń turǵyny Grı­gorıı Rodıonov bolashaqta metall buıymdaryn jasaýǵa nıetti. Ol óz isin ashýdy josparlap otyr. Grant utyp alǵan jaǵdaıda aqshany qondyrǵy satyp alýǵa jumsaıdy. 28 jastaǵy Qaırat Jumadı Petropavlda emdeý-ońaltý ortalyǵyn ashpaqshy. Oıyn júzege asyrý úshin granttan bólek nesıe almaq. «Qazir býyny syrqyrap, omyrtqa jotasy aýyratyndar óte kóp. Qalada arnaıy trenajerlary bar ortalyq sanaýly ǵana. Sondyqtan meniń emdeý-ońaltý ortalyǵyma suranystyń joǵary bolatynyna senimdimin. Medıınalyq bilimim bar. Endi arnaıy trenajerlardy satyp alý qajet. «Jas kásipker» baǵdarlamasy arqyly kópten beri armandaǵan jumysymdy júzege asyrmaqshymyn», – deıdi Qaırat Jumadı.

Soltústik Qazaqstan oblysynda «Jas kásipker» baǵdarlamasy boıynsha eki lekte 600 adam bilim aldy. Olardyń 70-ine alǵashqy granttar – 200 AEK nemese 505 myń teńge bólindi. Qalǵandarynyń ótinishi aıdyń sońyna deıin qaralady.

Aıta keteıik, «Jas kásipker» jobasynda oqytýdyń quramdas bólikteri qamtylyp, ár startapty tanymal bıznes-trenerdiń jeke súıemeldeýi qarastyrylǵan. Osy joba arqyly jastar iskerlik boıynsha jańa bilim men daǵdylardy meńgerip, ózderiniń jeke kásibin asha alady. Jobaǵa qatysqan jastar bıznes ashýǵa alǵashqy kapıtal retinde grant nemese jeńildikpen qarjylandyrýǵa múmkindik alady.

 

Sońǵy jańalyqtar