12 Qyrkúıek, 10:44 444 0 Jahan Anar LEPESOVA

Yntymaqtastyqtyń jańa kókjıekteri

Keshe Memleket basshysy Qasym-Jomart Toqaev­tyń Qytaı Halyq Respýblıkasyna memlekettik sapary bas­taldy. 27 jyldyq tarıhy bar qa­­zaq-qy­taı ynty­maq­tas­ty­ǵyn arttyra túsýge baǵyt­tal­ǵan bul sapardyń mańyzy zor.  

Qazaqstannyń bul kezdesýge erekshe mán berýiniń sebebin Qa­sym-Jo­mart Toqaev QKP OK Saıası bıýrosynyń múshesi, QKP Syrt­­qy ister jónindegi basqarý­shy top Kanelıarııasynyń bas­ty­ǵy Ian zechımen kezdesýinde túsin­dirdi.

– Biz Qytaıdy kórshiles ári dostyq qarym-qatynastaǵy memleket dep esepteımiz.

Sondaı-aq, álemdegi ekonomıkasy damyǵan ekinshi el ekenin de negizge alamyz.  Qazaqstan bul saparǵa úlken mán beredi. Biz Qazaqstannyń Azııadaǵy is-qımyl jáne ózara senim sharalary jónindegi keńes pen halyq­ara­lyq are­na­daǵy basqa da bastamalaryn qoldaǵany úshin Qytaı memleketine rızashylyq bildiremiz. Ekono­mı­kalyq yntymaq­tas­tyqqa keler bol­saq, onyń strategııalyq sıpaty bar. Tuńǵysh Prezıdent Nur­sultan Nazarbaev pen Tóraǵa Sı zınpın qol jetkizgen ýaǵdalastyqtar odan ári damı beredi, – dedi Memleket basshysy.

Qasym-Jomart Toqaevtyń pikirinshe, Qazaqstan men Qytaıdy eki elge ortaq ta­rıhı uqsastyqtar jaqyndata túsedi. «Osydan 40 jyl buryn Qytaı basshylyǵy men Qytaı halqy dana sheshimder qa­byl­dap, aýqymdy jań­ǵyr­týlar kezeńine qadam basty. Sol mańyz­dy ózgeristerdiń arqasynda búginde Qytaı memleketi álemdik damýda kósh bastap tur. 30 jyl ishinde Qazaqstan da kúrdeli ári tabysty damý kezeńinen ótti. Elimiz tamyry tereń daǵdarysty eńserip, ornyqty damý jolyna tústi», – dedi Prezıdent Qy­taı qo­ǵam­dyq ǵylymdar akademııasynda oqyǵan dárisinde.

Eki el arasyndaǵy jan-jaqty stra­­­tegııalyq seriktestiktiń nyǵaıa túsýine tyń serpin bolatyn shara – Qa­zaqstan-Qytaı Iskerlik keńesiniń 6-otyry­synyń ashylýynda sóılegen sózinde Prezıdent memleketterimiz arasyn­daǵy saýda aınalymy byltyr 12 mıllıard dollarǵa jetkenin aıtty. Táýel­sizdik jyldary Qytaıdyń Qazaqstanǵa 20 mıllıard dollarǵa jýyq ınvestıııa salýy da mem­le­ketterdiń áriptestigi ózara senimge negizdelgenin dáleldese kerek.  Elimiz­diń  ınvestıııalyq ahýalyn meılinshe qolaıly etýge bar kúsh-jigerin ju­myldyryp otyrǵanyn tilge tıek etken Qasym-Jomart Toqaev qytaı­lyq bıznesmenderdi «Astana» halyq­ara­lyq qarjy ortalyǵy bır­jasynyń qarjylyq is-qımyldaryn belsendi paı­da­lanýǵa shaqyrdy, sondaı-aq onyń osy aımaqtaǵy biregeı ınstıtýt eke­nin jáne qazirdiń ózinde Qarjy ortalyǵyna 250-den astam kompanııa tirkelgenin atap ótti.

Qazaqstan Prezıdentiniń Qytaı Ha­lyq respýblıkasynyń tóraǵasy Sı zı­npınmen kezdesýi qazaq-qytaı ynty­maq­tastyǵynyń jańa deıgeıge kó­te­ri­le­tinin shegelep bergendeı boldy. Sı zınpın áriptesin Halyqtar jıyny úıinde kú­tip aldy. Alyp alań­daǵy alǵashqy kez­desýden soń memleket basshylary jeke kezdesti. Kezdesý qorytyndysy bo­ıyn­sha Sı zınpın men Qasym-Jomart Toqaev birlesken málimdeme jasady. Sondaı-aq, taraptar 10-ǵa tarta qujatqa qol qoıdy. Onyń ishinde, avıa­ııa­lyq izdeý jáne azamattyq áýeke­me­lerin qut­qarý jóninde úkimetaralyq kelisim, «Nur­ly jol» men «Jibek joly ekonomıkalyq bel­deýin» birlese júzege asyrý jónin­degi memorandým, Qytaıǵa eksporttalatyn qa­zaq­standyq aýyl sha­rýa­­­shylyǵy ónim­de­ri týraly hattamalar bar. Eldiń qaýip­siz­digi men ekonomıkalyq turaq­ty­lyǵy úshin mańyzy zor bul qujat­tar qoldaý kútken birqatar sala­lar­dyń damýyna dem bereri anyq.

Memleket basshysynyń Qytaıǵa sapa­ry búgin jalǵasyn tabady. Qasym-Jo­mart Toqaev Hanchjoý qalasyna baryp, negizin Djek Ma qalaǵan ataqty «Alıbaba» kompanııasynyń jumysy­men tanysady.

Aıta keteıik, Memleket basshysy Qy­taı­ǵa saparynda barlyq baıandamasyn tek qazaq tilinde jasady.

Anar LEPESOVA

Sońǵy jańalyqtar