11 Qyrkúıek, 22:58 201 0 Ádebıet Maqsat QUSAIYNOV

 Jyl sońyna deıin 5 aıtys ótedi

Aıtys – qasıetti óner. Eldiń rýhyn kóterip, eńsesin tikteıtin kıeli óner qazaqpen birge teń jasap keledi. Al sóz marjanyn tergen qadirli ónerge bılik partııasynyń kóńil bólýi quptarlyq jaıt.  

«Nur Otan» partııasy, «Aıtys aqyndary men jyrshy, termeshilerdiń halyqaralyq odaǵy» jáne «Qazaqstan» respýblıkalyq Teleradıokorporaııasy arasynda aıtys ónerin damytý jáne nasıhattaý boıynsha ózara yntymaqtastyq týraly Memorandýmǵa qol qoıyldy.

Memorandýmnyń maqsaty – ultymyzdyń uly murasyn, ozyq dástúrleri men mádenı qazynasyn túgendeýge, sonyń ishinde ejelgi halyq óneri – aıtysty zamanǵa saı túletip, halyq arasynda nasıhattaý.

Taraptardyń kelisimine sáıkes, aldaǵy aıtystardyń barlyǵy «Aıtys aqyndary men jyrshy, termeshilerdiń halyqaralyq odaǵymen» uıymdastyrylyp, «Nur Otan» partııasynyń tikeleı demeýshilik qoldaýymen ótkiziledi. Al aıtysty túsirý, kórsetý, translıaııalaý úshin «Qazaqstan»    Respýblıkalyq Teleradıokorporaııasy aıryqsha quqyqqa ıe boldy.

Taıaý kúnderi birlesken jumystardyń aıasynda «Nur Otan» partııasynyń qoldaýymen Altaı men Atyraý, Alataý men Arqa arasyn dúbirli dýmanǵa bóleıtin Aıtys alamany bastalady. Atap aıtqanda, jyl sońyna deıin «Jyr juldyzy Farıza» atty belgili aqyn F. Ońǵarsynovanyń 80 jyldyǵyna oraı aıtys, syrshyl sýretker jazýshy S.Seıfýllınniń 125 jyldyǵyna oraı halyqaralyq aıtys, «Otan – otbasynan bastalady» atty otbasylar aıtysy, «Bereke birligińde, Elim» atty aqyndar aıtysy jáne «Altyn dombyra» jyldyq qorytyndy aıtysy ótedi.

Aıtys qyzyl sózden qyrman jasaý emes, beıneli til, tereń oı, astarly sóz. Onyń qudyreti de sonda. Qas-qaǵym sátte qıynnan qıystyryp, óner tógý ekiniń biriniń mańdaıyna jazylmaǵan. Son­dyqtan kóziqaraqty, kókiregi oıaý halyq, eń aldymen, aıtysty óner retinde qabyl­dap, onyń osy ereksheligin joǵary baǵa­laǵan. Jáne aıtysta aqıqat kóp aıtylady. Aqyn halyqtyń kókeıindegi sózdi dóp aıtyp, bılikke jetkizedi. Sol arqyly sóz salmaǵyna tyńdarmannyń yqylasy aýady.

Qazaq halqynyń ǵana mańdaıyna bitken aıtys óneriniń sońǵy jyldary shyrqaý bıikke kóterilgeni belgili. Al tól ónerdi dáriptep, nasıhattaýǵa bılik partııasynyń atsalysýy kópti qýantyp otyr.

 

 

 

Sońǵy jańalyqtar