11 Qyrkúıek, 13:37 246 0 Jańalyqtar Túrkistan Gazeti

Memleket basshysy Qazaqstan-Qytaı Iskerlik keńesiniń 6-shy otyrysyna qatysty

Qasym-Jomart Toqaev óz sózinde Qazaqstan Respýblıkasy men Qytaı Halyq Respýblıkasy arasyndaǵy ózara senim men tıimdi yntymaqtastyqqa negizdelgen tatý kórshilik qarym-qatynastardyń qalyptasý tarıhyn atap ótti.

– Qytaı – Qazaqstannyń syrtqy saýda jáne ekonomıka salasyndaǵy  asa iri seriktesteriniń biri. Munyń aıqyn dáleli – elderimiz arasyndaǵy saýda aınalymy byltyr 11,4% artyp, 12 mıllıard dollarǵa jetti. Táýelsizdik jyldary Qytaı Qazaqstanǵa 20 mıllıard dollarǵa jýyq ınvestıııa saldy. Biz búgingi Iskerlik keńestiń 6-otyrysyn eki el arasyndaǵy iskerlik jáne ınvestıııalyq áriptestiktiń zor áleýetin odan ári keńeıtýge múmkindik beretin mańyzdy shara dep esepteımiz, - dedi Qazaqstan Prezıdenti.

Memleket basshysy Qazaqstannyń ınvestıııalyq ahýalyn meılinshe qolaıly etýge bar kúsh-jigerin jumyldyryp otyrǵanyn aıtty.

– Dúnıejúzilik banktiń «Doing Business» reıtıngi boıynsha Qazaqstan álemdegi 190 memlekettiń ishinde 28-shi bolyp, alǵashqy otyzdyqqa kirdi. Táýelsizdik jyldary ishinde elimizdiń ekonomıkasyna 300 mıllıard dollardan astam tikeleı sheteldik ınvestıııa tartyldy.

Bul kórsetkish boıynsha Qazaqstan Ortalyq Azııa óńirinde kósh bastap tur, – dedi Qasym-Jomart Toqaev.

Prezıdent qytaılyq bıznesmenderdi «Astana» halyqaralyq qarjy ortalyǵy bırjasynyń qarjylyq is-qımyldaryn belsendi paıdalanýǵa shaqyrdy, sondaı-aq onyń osy aımaqtaǵy biregeı ınstıtýt ekenin jáne qazirdiń ózinde Qarjy ortalyǵyna 250-den astam kompanııa tirkelgenin atap ótti.

Memleket basshysy Qazaqstannyń Azııa men Eýropa arasyndaǵy kólik dálizin qurýǵa jáne damytýǵa zor múmkindikter berip otyrǵanyna erekshe nazar aýdardy.

– Qazaqstan arqyly Qytaı jáne Azııanyń basqa da elderin Eýropamen, sondaı-aq Taıaý Shyǵyspen baılanystyratyn 5 temir jol jáne 6 halyqaralyq avtokólik joly ótedi. Bul Qazaqstan arqyly Qytaıdan Eýropaǵa jáne keri qaraı júkterdi 15 kúnde jetkizýge múmkindik beredi.

Al, teńiz joly arqyly 2-3 ese kóp ýaqyt jumsalady, – dedi Qasym-Jomart Toqaev.

Prezıdenttiń aıtýynsha, Qazaqstanda júzege asyrylyp jatqan «Nurly jol» memlekettik ınfraqurylymdy damytý baǵdarlamasy Qytaıdyń «Bir beldeý, bir jol» jobasymen úndesedi. Memleket basshysy ortaq kúsh-jigerimizdiń arqasynda Uly Jibek jolyn qaıta jandandyryp, qalpyna keltire alamyz degen senim bildirdi.

Memleket basshysy óziniń sózinde, Qazaqstannyń ınnovaııa men zamanaýı tehnologııaǵa negizdelgen jańa ekonomıkany damytýǵa basa mán berip otyrǵanyn atap ótti. Qasym-Jomart Toqaev elimiz úshin joǵary tehnologııalyq óndiristerdiń, sondaı-aq 4.0 Indýstrııasynyń strategııalyq mán-mańyzy aıryqsha ekenin aıtty.  Memleket basshysynyń pikirinshe, bul saladaǵy eki jaqty kezdesýler, sońǵy jyldary Qytaıdyń jańa tehnologııalardy damytý jáne engizý jóninen búkil álem moıyndaǵan kóshbasshy elge aınalýymen de mańyzdy.

– Biz qytaı kompanııalarymen birlesken ınnovaııalyq kásiporyndar men IT-ortalyqtar qurýǵa múddelimiz. Elordamyz Nur-Sultanda «Astana Hab» IT-startaptarynyń halyqaralyq tehnoparki ashyldy. Munda Big DATA, ınternet zattar, jasandy ıntellekt, bultty tehnologııalar jáne sýperkompıýterler baǵyttary boıynsha ázirlemeler qarqyndy damýda. Bul tehnoparktiń jumysyna qatysýshylar úshin jeńildetilgen vızalyq, eńbek jáne salyq rejımderi qarastyrylǵan, – dep atap ótti Qasym-Jomart Toqaev.

Prezıdent ekijaqty yntymaqtastyqtyń keleshegi zor salalarynyń biri retinde aýyl sharýashylyǵyn atap ótti. Qasym-Jomart Toqaev Qytaı naryǵynyń aýqymy úlken ekenin jáne elimiz úshin osy eksport baǵyty boıynsha zor múmkindik ashylatynyn aıtty.  .

– Barshańyzǵa málim, Qazaqstan joǵary sapaly bıdaı eksporty boıynsha álemdegi aldyńǵy 10 eldiń qataryna kiredi. Byltyr Qytaıǵa eksporttalǵan bıdaı kólemi 550 myń tonnaǵa jetti. Bıdaı eksportynyń kólemin 3,5 esege, ıaǵnı 2 mıllıon tonnaǵa deıin ulǵaıtýǵa bolady. Qazaqstan tuzyn halyqaralyq naryqtarǵa eksporttaý kólemi artyp keledi. Biz Qytaıǵa jylyna 100 myń tonnaǵa deıin as tuzyn jetkizýge ázirmiz. Sonymen qatar qytaı naryǵyna sút ónimderin, qus etin, sıyr etin, qoı etin, shoshqa etin, un, dándi jáne burshaq, sondaı-aq maıly daqyldar jetkizýge daıynbyz. Biz ekologııalyq taza azyq-túlik óndirisin ulǵaıtyp, Qytaı naryǵyna shyǵarýǵa nıettimiz, – dedi Prezıdent.

Sonymen birge, Memleket basshysy týrızm salasyndaǵy ekijaqty yntymaqtastyq máselesin qozǵady. Qasym-Jomart Toqaev Qazaqstannyń osy salany damytýǵa erekshe kóńil bólip otyrǵanyn atap ótip, qytaılyq ınvestorlardy seriktes bolýǵa shaqyrdy.

Sońynda Prezıdent Qazaqstan-Qytaı iskerlik keńesin damytý isinde mańyzdy ról atqaratyn Qazaqstan men QHR arasyndaǵy saýda-ekonomıkalyq jáne ınvestıııalyq baılanystardy keńeıtý úshin berik negiz qalanǵanyna senim bildirdi.

Plenarlyq májilis barysynda «CITIC Group» korporaııasy dırektorlar keńesiniń tóraǵasy, Qazaqstan-Qytaı iskerlik keńesiniń Qytaı tarapynan teń tóraǵasy Chan Chjenmın, «Samuryq Qazyna» AQ basqarmasynyń tóraǵasy, Qazaqstan-Qytaı iskerlik keńesiniń Qazaqstan tarapynan teń tóraǵasy Ahmetjan Esimov, sondaı-aq «Astana» halyqaralyq qarjy ortalyǵynyń basqarýshysy Qaırat Kelimbetov sóz sóıledi.

Is-shara qorytyndysy boıynsha Qazaqstan tarapynyń ókilderi qytaılyq bıznesmendermen birqatar kommerııalyq kelisimderge qol qoıdy.

Sońǵy jańalyqtar