11 Qyrkúıek, 13:20 401 0 Jańalyqtar Túrkistan Gazeti

Dáýren Abaev: Bıyl 43 telehıkaıa efırge shyǵady dep josparlanyp otyr

Bul týraly mınıstr Dáýren Abaev elordada ótip jatqan Astana Media Week sharasynda aıtty.

«Medıa salasyndaǵy azamattar muny jaqsy biledi.  Sonda da aıtyp óteıin, teleserıaldar bıýdjet esebinen qarjylandyrylady. Jalpy, 2016 jyly memlekettik tapsyryspen 16 serıal túsirildi. Osy jyly bul kórsetkish aıtarlyqtaı artty. Mysaly, bıyl 43 telehıkaıa efırge shyǵady dep josparlanyp otyr. Úsh ese ósken. Alaıda biz memlekettik telearnalarǵa ǵana emes, jekemenshik arnalarǵa da kóp kóńil bólemiz», dedi mınıstr.

Mınıstrdiń aıtýynsha, 15 otandyq serıalǵa 9 elge lıenzııasy berilgen.

«San artqan jerde shyǵarmashylyq básekege de jol ashylady. Ony bilesizder. Osylaısha, serıaldar ındýstrııasyn qalyptastyrýdaǵy múmkindik paıda bolady. Buryn biz otandyq  serıaldardy az dedik. Endi túsirilgen serıaldardy syrtqa satýdy bastadyq. Mysaly  kórshiles memleketterge, 15 otandyq serıalǵa 9 elge lıenzııalyq quqyqtar berildi. Bul jumysty odan ary jalǵastyramyz», dedi D. Abaev.

Sońǵy jańalyqtar