11 Qyrkúıek, 12:48 525 0 Jahan Anar LEPESOVA

Bolton qyzmetinen ketti

Donald Tramp ulttyq qaýipsizdik boıynsha keńesshisi Djon Boltondy qyzmetinen bosatty. Bul týraly Aq úı basshysy Tvıtterdegi paraqshasyna jazdy.

«Keshe keshkisin men Djon Boltonǵa Aq úıde onyń qyzmeti qajet emes ekenin aıttym. Men ákimshiliktegi basqa adamdar sekildi onyń keńesine kelispedim, sol sebepten onyń qyzmetinen ketýin ótindim. Ol maǵan aryzyn tańerteń berdi» - dep jazdy Tramp.

Amerıkalyq lıder ulttyq qaýipsizdik boıynsha jańa keńesshisiniń aty-jóni aldaǵy aptada jarııalaıtynyn málimdedi. Ázirge Boltondy qyzmetten alýyna ne sebep bolǵany belgisiz.

Djon Bolton AQSh prezıdentiniń ulttyq qaýipsizdik boıynsha keńesshisi qyzmetine 2018 jyldyń naýryz aıynda taǵaıyndalǵan. Ol jaqynda Shyǵys Eýropa elderine baryp, Ýkraına men Belarýstiń prezıdentterimen kezdesken. Sonymen birge Polshanyń Qaýipsizdik keńesi tóraǵasymen jolyqqan.

Sońǵy jańalyqtar