11 Qyrkúıek, 11:18 574 0 Saıasat Anar LEPESOVA

Prezıdent Qytaıǵa ne úshin bardy?

Qazaqstan prezıdenti Qasym-Jomart Toqaevtyń QHR-ǵa memlekettik sapary bastaldy, dep habarlady memleket basshysynyń baspasóz hatshysy Berik Ýálı.

"Qazaqstan prezıdenti Qytaı Halyq Respýblıkasyna memlekettik saparmen keldi. Qasym-Jomart Toqaev Pekınde Qazaqstan-Qytaı iskerlik keńesiniń 6-otyrysynyń ashylýyna qatysady jáne Qytaı qoǵamdyq ǵylymdar akademııasynda dáris oqýy josparlanǵan", - dep jazdy Ýálı Facebook paraqshasynda.

Baspasóz hatshysynyń aıtýynsha, Toqaev QHR tóraǵasy Sı zınpınmen, QHR memlekettik keńesiniń premeri Lı Keıanmen jáne Qytaıdyń birqatar saıası jáne iskerlik tobymen kelissóz ótkizedi.

Sondaı-aq, prezıdent Qytaıǵa jasaǵan eki kúndik saparynyń aıasynda Hanchjoý qalasyna da baryp, ınnovaııalyq ónimderdi álemdik naryqqa shyǵarý boıynsha kóshbasshy Hikvision kompanııasynyń jumysymen tanysady.

Sonymen qatar baǵdarlama boıynsha Alibaba kompanııasynyń keńsesine baryp, Djek Mamen kezdesý josparlanǵan.

 

 

Sońǵy jańalyqtar