11 Qyrkúıek, 11:01 514 0 Jahan Anar LEPESOVA

Japon úkimeti otstavkaǵa ketti

Búgin tańerteń Japonııa Úkimeti otstavkaǵa ketti. Bul týraly Kıodo agenttigi habarlady.  

Premer-mınıstr Sındzo Abe kabınet músheleriniń otstavka týraly ótinishterin qabyldady. Buǵan shilde aıynda parlamenttiń joǵarǵy palatasyna saılaýda partııanyń jeńiske jetýinen keıin jáne qazan aıyna josparlanǵan tutynýshy salyǵyn 10 paıyzǵa qymbattatýdyń aldynda úkimet quramynyń ózgerýi sebep boldy.

Ótken jyldyń qazan aıynda Úkimette oryn alǵan ózgerister barysynda kóptegen mınıstrler oryndaryn saqtap qalsa, qazir tek Úkimet hatshysy Iosıhıde Sýga jáne qarjy mınıstri Taro Aso qalatyn bolady.

Eki mınıstr, Japonııada aıtylatyndaı, «kóldeneń boıynsha» aýysady. SIM basshysy Taro Kono ekonomıka mınıstri atansa, Syrtqy ister mınıstrligin búgingi tańdaǵy Ekonomıkany qaıta qalpyna keltirý isi jónindegi mınıstr Tosımıý Motegı almastyratyn bolady. Burynǵy kabınettiń kezinde mınıstr laýazymdaryn atqarǵan taǵy da eki adam úkimetke qaıta oralady, al qalǵan 13 adam alǵash ret kabınet quramyna kirmek. Sársenbi kúni keshke el ımperatorynyń jańa mınıstrler kabınetin bekitý rásimi ótedi. Tústen keıin úkimettiń jańa quramy belgili bolady.

Sońǵy jańalyqtar