10 Qyrkúıek, 11:58 323 0 Jahan Anar LEPESOVA

Lýkashenko: Mınsk AQSh-tyń astanasy bolady

Belorýssııa prezıdenti Aleksandr Lýkashenko «Dınamo» stadıonyndaǵy Eýropa men AQSh quramalarynyń oıyny sheńberinde ótken jeńilatletıkalyq jarystardyń ashylýynda sóz sóıledi. Lýkashenko saltanatty jıynda el kútpegen málimdeme jasady.

«Eki jyldan keıin Mınsk Amerıka Qurama shtattarynyń astanasy bolady», – dedi Belorýssııa prezıdenti ázildep.

Lýkashenko dál osy oıyndy Mınskte 2021 jyly da ótkizýdi usyndy. Bul jarystardy Eýropa men AQSh kezektese ótkizedi. Alaıda 2021 jyly AQSh jeńil atletıka boıynsha chempıonat ótkizetindikten, match uıymdastyrý múmkindiginen qaǵylady. Sondyqtan Belorýssııa prezıdenti atalmysh kezdesýdi óz jerinde taǵy bir márte, qazirgiden de joǵary deńgeıde ótkizýge nıetti.

«Mınsk AQSh astanasy bolady degenim – bul oıyndy AQSh ótkizýi kerek. Biz Donald Tramppen kelisemiz. 2021 jyly ol saılaýda jeńiske jetip, dál osy stadıonǵa, ǵasyr oıynynyń astanasyna keledi dep oılaımyn», – dep tolyqtyrdy Lýkashenko.

Sońǵy jańalyqtar